› 選擇地區
三藩市
紐約
洛杉磯
其他美國地區
香港 台灣 北美
 
2014年06月14日

【短片】【上海電影節】多圖!林志玲胸壓全場 Big到透唔到氣﹗

(採訪﹑攝影:曾小嘉)
建立時間 (HKT): 0614 06:00

第17屆上海國際電影節今晚開幕,群星拱照紅地毯,中港台日韓及荷李活女星爭艷鬥麗,個個都性感高貴又大方,包括妮歌潔曼(NicoleKidman)﹑常盤貴子﹑陳妍希﹑朴信惠﹑宋慧喬﹑劉亦菲﹑劉心悠﹑高圓圓﹑薛凱琪﹑鍾欣潼﹑林志玲及鞏俐等。

當中以林志玲最識搶鏡,佢着咗件超低V長裙亮相,十分性感,「胸」壓全場,林志玲獲讚穿得性感,佢就嬌嗲回應:「謝謝。」講到要搵理想對象時,林志玲就笑言要搵一啲未結婚嘅。

而高圓圓行紅地毯時心情靚爆,唔少粉絲恭喜佢同趙又廷新婚快樂,高圓圓含羞答答向粉絲話:「謝謝!」佢話今次趕返嚟,係同霆鋒宣傳新片《一生一世》。

至於壓軸出場嘅妮歌潔曼,亦十分識做,主動走近兩旁粉絲,又同佢哋握手。講到就快生日,在場粉絲預佢她生日快樂,妮歌開心回應:「ThankYou!」事後佢接受訪問時表示,能夠參予此盛會覺得好開心,又話知道成龍都在場,可以再同對方見面。

而薛凱琪(Fiona)與楊子姍及陳意涵合作拍攝《閨蜜》,三女因為合作此戲而成為真正的閨蜜,今晚佢哋齊齊現身上海電影節兼行紅地毯,Fiona話行紅地毯感覺非常之好。

而劉心悠經常被叫做心悠BB,不過呢個BB近日自組公司,仲自稱「LadyCEO」,佢坦言話唔想再做「心悠BB」,佢話習慣咗做CEO,仲印埋卡片,但今晚唔得閒派。劉心悠又笑稱如果嗌佢之前個名(心悠BB),佢係唔會應呀﹗

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載