› 選擇地區
三藩市
紐約
洛杉磯
其他美國地區
香港 台灣 北美
 
2014年06月23日

【文明不見了】Wyman微博「圓寂」何韻詩感寂寞:叫我「菇鈴鈴」

微博嘅黃偉「文」同黃耀「明」都不見了。
建立時間 (HKT): 0623 06:00

黃耀明同黃偉文(Wyman)近日就因為喺微博講到622公投事件,新浪微博短短三日唔夠,就兩度封咗佢哋微博,Wyman雖然微博被封,但佢就轉咗去用instagram,而明哥亦喺ig及facebook繼續發聲。

今日Wyman喺ig貼咗張圖,就係喺微博寫住Wyman用戶不存在嘅圖,佢仲話:「更好笑的是,自從上次解封之後,我應該『暫時』沒再發過任何『敏感』的內容,所以那邊應該是徹底瘋掉了,哈哈哈哈!」

而Wyman好友何韻詩見到張相後,就貼咗Wyman喺ig嘅截圖,並留言話:「這個backgroundphoto很貼題,黃偉文大師於新浪微博升天了。」

之後Wyman同阿詩就開始互截對方喺ig嘅圖,Wyman回覆阿詩話:「Yes,繼『林夕』後,本填詞人正式改名「圓寂」。阿彌陀佛!」

阿詩又覆Wyman話:「圓寂大師,請也贈我法號,『菇鈴鈴』僧人如何?」Wyman就話:「人家皇恩浩蕩,沒有封你,你應心懷感激,賜你法號:『謝停封』。」阿詩話:「言論自由於此平台徹底凋謝,那你倆豈不就是樂壇新組合『謝言』。」兩人你一言我一語寸爆新浪微博﹗

而喺阿詩嘅微博都有貼到佢同Wyman嘅截圖,之後又貼咗黃耀明同Wyman化為鬼魂嘅公仔圖,仲話:「『文』『明』不見了。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載