› 選擇地區
三藩市
紐約
洛杉磯
其他美國地區
香港 台灣 北美
 
2014年07月04日

【短片】綠葉王梁健平衝出香港拍韓版《命中注定我愛你》

梁健平同張赫喺韓劇版《命中注定我愛你》呢場對手戲噚日播出。
建立時間 (HKT): 0704 06:00

就咁講「梁健平」,大家都可能未必知係邊個,但一見到個樣,馬上MATCH!

已經由大台轉投港視嘅梁健平,就快五張喇。畢業後加入邵氏工作,其後簽約無綫,從80年代活躍至今,演過劇集多不勝數,包括《城市故事》、《壹號皇庭》、《棟篤神探》、《潛行狙擊》和《拳王》等,角色多變,忠奸皆宜,綠葉王當之無愧。

前年梁健平接受本報專訪,談到轉投港視,以及之前喺大台嘅發展,他話:「我話自己係TVB清道夫,乜鬼垃圾我都掃。作為一個普通藝員唔應該推騷、唔應該揀嘢,發哥當年講,千揀萬揀嗰套戲係唔爆,佢拍《賭神》、《秋天的童話》,佢有信心咩?但就係爆咗,我唔知我會唔會撞到,所以任何機會都係機會,人哋認為你做某一個位,人哋自然會揀你,所以無謂去強求。」

港視再申請發牌,通訊局今日起作公眾諮詢。港視藝人能否夢想達成,尚是未知,不過梁健平有新作,依家就有得睇!最近梁健平衝出香港,參與韓劇《命中注定我愛你》的演出,雖然佢今次只是客串演出,飾演同李健(張赫)簽訂合同嘅澳門頂級度假村負責人,簡單一場戲已經吸引唔少網民留意,紛紛留言力讚及打氣。

其實梁健平喺年初嗰陣,已於澳門以男主角身份,拍咗一部以澳門為背景嘅短篇西片,今年八月亦會參加康城影展,似乎離開大台工作,未必走入絕路!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載