蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月05日
馬上成為壹會員

【陳小公主面世喇!】陳曉東千金重7.1磅大眼長腿妹

恭喜陳生陳太!
建立時間 (HKT): 0705 06:00

恭喜恭喜!陳曉東終於做爸爸喇!佢今日下晝三點半左右,於微博報喜:「今天很欣慰,女兒出生了,3246g(約7.1磅),51cm,母女平安。大的很勇敢很堅強,小的很可愛,很乖巧。第一天當爸爸心情特別特別實在,難以言喻的開心。感謝大家的關注,並向天下母親的偉大致敬意。感謝。感恩。曉東上。」醫生話BB身高比其他BB長,所以大個咗應該係一個長腿妹妹。而寶寶嘅眼睛好大,仲係雙眼皮,大眼美女嚟0架!

新手爸爸仲貼咗三張相,一張係腳仔寫真,一張係BB腳印仔,另一張就係東東同家人合照。相中只見著晒保護衣嘅東東帶定相機,斷估應該係BB出世之後影0架喇!

拿拿拿,東東,做咗爸爸,唔止責任大咗,你嘅健康都好重要0架——所以,第一件事就係:戒煙啦!

據工作人員透露,東東由噚日等老婆生B一刻開始,心情既緊張又興奮,亦寸步不離醫院。東東嘅家人包括爸爸、媽媽、弟弟、弟媳都一直留守產房外。太太生B嗰陣,東東更加係入埋產房,為太太打氣之餘,亦要拍低囡囡出生每一個瞬間。東東話:「從陀B到生產,佢一直係咁嘔,非常非常辛苦,但佢好勇敢,一直堅持順產,非常好強,一直挺到最後。佢入產房之前一刻仲講笑話要快啲生。」果然真係好快,原本醫生以為要半個鐘,但最後太太只係用咗五分鐘就順利產下千金。

至於BB個名,東東話未諗到。至於愛女似爸爸定係媽媽?東東就話:「我覺得似太太,但太太覺得似我,等佢大個少少再留意下。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載