蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月15日

【短片】【韓.初說】MK-Pop點嚟天堂鳥話吸Rain

Gordon話自己模仿Rain,你又覺得佢學到幾多呢?
建立時間 (HKT): 0715 06:00

【尋找香港的首爾】「안녕하세요.우니를BOP입니다.(大家好我們是BOP。)」被批抄韓風的MK-Pop男團天堂鳥,雖然一直強調沒有抄,但作為90後的他們,訴說與韓國的淵源,才發現自小便看韓劇、聽K-Pop,對泡菜娛樂情有獨鍾,更揚言希望有一日可以到韓國表演!

記者:鄒倩婷 攝影:朱家俊

「點解我哋出隊boyband就會畀人話係抄韓國,香港一早有boyband啦,草蜢已經係一個好代表香港嘅男子組合,其實我哋係無抄,我哋都好勁吖!」不理網民的狠批,仍然自信爆棚的天堂鳥,承認有聽K-Pop,例如少女時代、BigBang等,更笑言小時候有追看《天國的階梯》。隊長Gordon自小熱愛跳舞,他表示第一次接觸韓國是因為韓星Rain,「我嗰時係模仿Rain,佢喺舞台太有魅力,大隻又高大都咁靈活,其實我一直模仿緊佢喺舞台嘅魅力,喺佢到吸收用落自己身上囉!」但模仿只是表面,天堂鳥出道前只是受訓一年多,而韓星普遍都受訓5年以上,例如紅遍亞洲的G-Dragon,便經歷過11年的練習生生涯!

韓國練習生的生涯一點都不容易,出道前是郭富城御用舞蹈員的Gordon憶述,曾接受韓國排舞師的軍訓式訓練,「之前為郭富城演唱會排舞,郭富城邀請咗一位韓籍排舞師,練咗成日舞,諗住收工嗰陣,佢竟然再加一段體能測驗畀我哋,我哋真係捱到好辛苦都做唔到嗰set動作,咁我就體驗到人哋真係幾辛苦,幾吃力去做一件事。」被問到假如天堂鳥要做韓國練習生,他們都非常有自信地認為,「我哋相信自己練2、3年就可以出道,話晒年紀都差唔多喇,唔可以再訓練咁耐。」不過,記者看他們練舞時,不時發生互相相撞的搞笑情況,看來三人之間的默契都需要訓練一段時間。

《韓瘋》作者鍾樂偉只慨嘆天堂鳥生不逢時,「其實我哋香港畀咗好多嘢韓國學,譬如四大天王、周潤發、張國榮等,韓國人自細就睇,非常鍾意!但係點解香港呢十幾廿年間好似完全空白咗,要調返轉我哋學人哋啲嘢?我覺得香港而家正正係一個由危轉機嘅時間,希望能夠有多啲唔同嘅本地製作,能夠衝出亞洲,令其他人都知道,香港都可以有自己嘅文化!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載