蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月22日

【短片】【韓.初說】森美愛韓妹小女人自爆畀前度鬧英文差

森美鍾意f(x)夠青春!
建立時間 (HKT): 0722 06:00

【尋找香港的首爾】一場初雪,對韓國人而言既浪漫又特別,是他們許願、表白的好時機。韓風襲港,你與韓國的初次接觸,又是否如遇見初雪般浪漫呢?今集邀請森美分享他的「韓.初說」。

森美於80年代初次接觸韓國事物,想當年香港紅極一時的歌手譚詠麟,經常與日本歌手谷村新司和韓國歌手趙容弼合作,「當時譚詠麟有首歌叫《冬之寒號》(作曲:趙容弼),唱:『哎呀哎呀哎呀唷』,我話咁得意嘅,原來係形容畀瀑布打自己身體嘅感覺,咁我先知韓國文化和香港文化可以去到咁近。」森美指七、八十年代,香港藝人在韓國橫掃娛樂圈,現在風水輪流轉,韓國藝人把自己的形象包裝得很華麗,反過來俘虜香港粉絲。

不少年輕人更覺得韓國多型男索女,森美指那只是流行文化的片面印象,他反而喜歡韓國女生千依百順,與港女大相逕庭,「讀中學嘅時候,有個讀名校嘅女朋友,成日捉我啲英文錯,好瘀架,反而睇美劇《LOST》,有一對韓國夫婦,老婆識英文都唔講英文,畀面個老公,你諗吓幾大分別吖,所以如果我有個韓國女朋友應該唔錯!」不過兩韓專家、《韓瘋》作者鍾樂偉指,現在韓國的男女更加平等了,「韓國男人可以係住家男人,喺屋企煮飯,照顧老婆。」森美笑言是因為韓國女性比以前更漂亮,為了防止老婆變心,男士反而要千依百順。

森美笑言看韓國少女組合能找回青春,「好鍾意f(x)《HotSummer》首歌,我覺得好青春,佢包含好多唔同元素,而且計得好準,唔同類型嘅女仔都集合埋,甚至有個短頭髮嘅TB。」森美認為K-Pop與J-Pop的分別是,日本人相對較自傲,日本的娛樂文化是娛樂日本人,但韓國的娛樂文化是對外,會組成一隊專門唱國語的組合,是有目標地為歌迷而服務。

森美更讚嘆韓國人靠流行文化扭轉國際局面,「我記得有段時間,在YouTube嘅J-Pop頻道,最受歡迎一頁大部份被韓國K-Pop組合佔據咗,日本人話係韓國政府畀錢買咗啲版位,喺日本嘈得好勁。」這事件令森美體會到日韓間在娛樂或軟實力方面,兩國的競爭白熱化,感覺像是國家級的打仗!

雖然韓風強勢,但始終未能打動生於哈日年代的森美,反而看木村拓哉、濱崎步等更有親切感,「我哋太鍾意日本喇,覺得韓國扮日本,好似韓國有個牛仔褲牌子,係M字型,我就奇怪呢個牌子好似係日本架喎,覺得韓國人做咩攞咗日本人啲嘢,話係自己嘅呢?所以感覺麻麻地。」他表示現在還是喜歡去日本旅行,始終韓風不是屬於他的世代。

記者:鄒倩婷
攝影:馮就康
場地提供:牧羊少年咖啡.茶.酒館

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載