› 選擇地區
三藩市
紐約
洛杉磯
其他美國地區
香港 台灣 北美
 
2014年07月23日

【人算不如天算】洗底都冇用「純純兔」一鑊金過一鑊

大台之前都有出力幫佢洗底,唔知今次仲會唔會洗呢?(資料圖片)
建立時間 (HKT): 0723 06:00

馬賽強搶富婆Laura密友女制作人汪子琦,多年來經營嘅「純純兔」形象一落千丈,當時係大台力捧新力軍嘅馬賽,其實穩步上揚,已經晉身第二女主角,冧掂樂小姐又搞掂監製,甚至同劇男演員劉松仁,「純純兔」拍《名媛望族》都姣黐松哥博好感,拍父女戲好似拍父女戀咁親密,本來可以扶搖直上,點知一波未平一波又起。

馬賽被大台急凍兩個月之後,大台幫佢猛力洗底,以滲透式淡化馬賽負面形象,雖然由第二女主角跌落收費台做娛樂新聞台女主持,咁都好過無嘢做,大台仲俾機會做世界盃,擺明係幫到盡喇!睇下Coffee林芊妤就真係同人唔同命,不過,今次又有艷片流出,馬賽下場真係人算不如天算!

今次艷片流出之後,網民都有去到馬賽嘅微博留言,多數都係鬧爆,又或者係「讚」佢跳舞跳得唔錯,不過都有一兩個網民支持佢話:「視頻就算是你,我也覺得沒啥,每個人有每個人隱私,跳舞怎麼了,跳舞又不代表啥,不要把事情看得太嚴重了,就一視頻而已!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載