蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月28日

【短片】【更新】Cosplayer被驅趕 劃位俾電玩吸客

劃地為界方便電玩家,cosplayer就慘被迫遷。
建立時間 (HKT): 0728 06:00

噚日本報已有報道,指今年有唔少cosplayer都投訴會場配套有欠完善,有cosplayer喺1C對出門口聚集影相,已經盡量喺啲「吉」位同唔阻人位置拍照,但被會場管理員驅趕,指佢哋阻塞通道,但只係趕佢哋咋喎。亦有cosplayer投訴今年會場內攝影區,比去年細咗三分之二有多,由於冇乜位影相,情況甚為混亂。

今日動記者宋文繼續視察會場,情況依舊,大會甚至已劃出地方禁止cosplayer涉足。文文問過啲cosplayer,原來今年大會俾佢哋化妝換衫嘅地方唔止細咗三分二,劃出嘅空間,原來仲係用嚟俾市民同電玩迷購物之用。

文文亦訪問過部份cosplayer,佢哋透露今年大會有安排一啲叫做「cosplay自由行嘅pass」,畀佢哋上三樓更衣室化妝換衫,惟名額得一百個左右,而且要上到三樓,對部份cosplayer嚟講都甚為不便,因為有啲cosplayer並非只係着衫及普通化妝,而係要作盔甲打扮及大型服裝,所以對佢哋嚟講唔方便;佢哋希望下年大會盡量安排好啲,同埋個pass名額再多少少。

及後,文文亦曾就此事致電會展傳訊部,但對方只表示:「唔回應,再約訪問時間做訪問。」

另外,有唔少網民都有留意今年Cosplayer被驅趕消息,佢哋留言話:「今年執得好嚴,我聽到有好多人投訴,之後你哋(指動主播)走咗之後,隔咗三個鐘度有人忍唔住終於動真火,同實蕉(保安)嘈到引嚟大批圍觀,個影相佬係咁爆粗鬧個實蕉(保安),其實嗰班實蕉(保安)又衰,個個態度差到冇朋友,會場外面安排又混亂,早兩年都唔係咁,係上年開始變得咁官僚,大有趕客之勢。」

而香港會議展覽中心(管理)有限公司(簡稱「會展管理公司」)傳訊總監洪小姐,透過電郵回覆本報:

「Cosplayer在香港動漫電玩節展覽場內活動的位置及規模,乃主辦機構的安排。

昨日在蘋果動新聞影片中所見,會展管理公司保安人員正在執行維持秩序的工作。由於昨日參觀香港動漫電玩節人數眾多,會展管理公司保安人員必須確保公眾通道,包括展覽廳1外的通道暢通,需勸喻參觀展覽的觀眾及其他人士不要在公眾通道逗留。

當時保安人員語氣或許有點嚴厲,但絕無惡意。多謝你的意見,我們定必跟進,提醒同事在執行職務時要注意用詞及語氣。」



《蘋果》動新聞一連五日都會直播動漫節,亦都係期待已久嘅「動主播召喚」動漫即場挑機時間!

【動漫Live不停】一連5天好玩到癲
http://bit.ly/1yQy8Qe
http://bit.ly/ucg2014Live

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載