蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月29日

【短片】【韓.初說】追韓星蝕十幾萬粉絲:唔追買到樓!

Nicole為咗見東方神起,跟埋佢哋去髮型屋......
建立時間 (HKT): 0729 06:00

【尋找香港的首爾】追星族有句說話:「如果當初唔鍾意韓星,買樓都畀到首期喇!」為張赫、Rain、神話辦過歌迷會,追星十年的Nicole深深認同這句話,不但花錢為偶像製作應援物、在報章登廣告,甚至試過為撲演唱會票被韓國人欺騙數十萬元,但她仍然表示從來沒有後悔過,更認為一切都是寶貴的人生閱歷,非常值得!

記者:鄒倩婷 攝影:朱家駿

Nicole的「韓.初說」是由看韓劇《開朗少女》,喜歡男主角張赫開始,之後看《浪漫滿屋》喜歡Rain,再聽K-Pop喜歡神話,逐一為他們建立歌迷會。不過,Nicole笑言自己最愛的、最緊貼星蹤的不是他們,而是未拆夥前的東方神起,「我當時識東方神起嘅御用hairstylist,知道東方神起會去嗰到set頭,所以一齊跟埋上去,我嘅偶像係會瞓喺我側邊,一齊洗頭!」這些機會,有錢都買不了,即使要花錢,Nicole都認為不是問題,最緊要物有所值,「好多fans都會跟機,同偶像一齊坐商務艙,有次東方神起去泰國開演唱會,我哋計過條數,由韓國飛泰國張機票六千幾蚊港紙,來回十二粒鐘,對足十二個鐘都係六千幾蚊,係咪好抵先?」

幾千元對粉絲來說不算一回事,歌迷會都不時會籌募經費,合資六、七萬元在報紙登全版廣告支持偶像,「當時嘅心態係,我個偶像嚟得香港,我哋唔可以令偶像丟臉,唔可以令人覺得佢喺香港無人氣,所以我哋做好多應援活動,好公開支持佢。」兩韓專家、《韓瘋》作者鍾樂偉認為,香港的歌迷會在管理上仿傚了韓國歌迷會的特色,尤其在組織力和動員力方面,無論韓星現不現身,粉絲之間都有很強的聯繫和默契。

雖然歌迷會有組織,但Nicole作為管理者的責任都非常巨大。去年,神話開辦十五週年演唱會,全球粉絲都瘋狂搶票,Nicole為了幫香港粉絲買門票絞盡腦汁,即使在韓國黃牛網站,花高三至四倍的價錢購票也在所不惜,「個賣家話有好多靚位,又有晒證據,咁我哋就放心買,點知到開show前幾日都未收到飛,又聯絡唔到嗰個人,我哋就漏夜飛去韓國報警,即時在網上通告粉絲並退錢。」然而,部份粉絲根本不想要錢,只想要演唱會門票,於是Nicole和朋友又再想辦法,找到與娛樂公司合作的旅行社,買下他們剩餘的門票,才順利解決事件。買黃牛飛故然不對,如此一買一賠,歌迷會的管理員蝕了十多萬,Nicole概嘆只能當買個教訓。

不過,Nicole表示仍然很享受辦歌迷會,「每次搞活動都要同主辦,或者傳媒溝通,其實識到好多人,呢啲人生閱歷,遠勝過見到明星嘅興奮,所以我鍾意咗做event,甚至投身呢個行業,我嘅工作就係我嘅興趣。」Nicole現在已經沒有追星,轉做與韓星相關的公關工作,身份由粉絲變成工作人員,不過她仍然懷念那些年一起追星的日子,「我一直都沒有後悔追星,我覺得是人生一個經歷!」

場地提供:喜來稀肉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載