蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年08月30日

【拍劇唔係為攞獎】流水作業冇得唞 敬業鄧萃雯無意返大台

(攝影:藍文浩)
建立時間 (HKT): 0830 06:00

鄧萃雯下晝喺紅磡一間老人中心,幫一間叫「我讚!」嘅機構宣傳。身為大使嘅雯女,話希望香港有更多正能量,雖然依家世界上咩事都係鬧同彈,不過佢就覺得讚吓先係動力。

雯女話自己最深感受嘅事,就係當年攞唔到視后,但係得到觀眾對佢嘅讚賞,自己就覺得好似仲勁過攞到獎咁,又令佢記起拍劇其實唔係為攞獎,而係為咗觀眾。

咁問到雯女幾時會再拍香港劇集俾大家有機會讚吓佢啦?佢就話啱啱拍完一個內地劇;至於港劇,雯女就話要有劇本,同有正常人嘅瞓覺時間先會考慮。

雯女又話大台嘅制度,以佢所知仍然冇變,反之喺內地唔辛苦,拍攝日子就易過得多喇。雯女話到咗佢嘅年紀,健康同開心先係最重要,如果日捱夜又捱演員情緒都唔好,咁就影響大喇。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載