蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年09月10日

朱主席坐警車仲要戴超揮手 被帶返警署助查

(攝影:陳慧安)
建立時間 (HKT): 0910 06:00

擾攘一輪,朱主席(朱壽仁)終於合作,向警員提供身份證核對資料。未幾,朱就被帶返中區警署助查。警方表示如果朱合作,就唔使上手銬,結果三名警員陪佢上車時,亦的確唔係扣上手銬。

邵子風報警之餘,仲特登等埋朱主席被帶上警車一刻,向佢揮手講byebye,仲話要返去慶祝。至於坐喺警車後座嘅朱主席,雖然俾兩名警員「夾」住,但開車一刻仍不忘向窗外揮手,仲冇除超。

之後邵子風受訪就話:「我知道朱主席一直都係喺警方通緝名單上,喺非禮案件之前已經係喺通緝名單上。我亦都向警方查詢過,但警方每次都解答話搵唔到朱主席,我就覺得奇怪,佢日日更新社交平台,點會搵唔到?警方話,你要見到對方,然後即場報警,警方到場見到佢喇,就可以帶署調查。」佢仲鬧今次搞呢個活動嘅中文大學法律學院研究生會竟然請來「通緝犯」任嘉賓「好荒謬」。

邵子風又話:「佢(朱主席)咁高調出席活動,仲廣邀傳媒,預咗有人報警。我到場之後,confirm佢在場,咁我就報警。」依家朱主席喺中區警署助查。

直至今晚10點30分左右,朱主席再登上警車,離開中區警署,佢除咗副超,戴番副近視眼鏡,佢離開時再次好興奮咁揮手,有消息指警車會去觀塘警署,因為本來單案係喺觀塘落案。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載