蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年10月01日

【佔領金鐘】催淚彈鎮壓當日生日 袁彌明流淚冇心情慶祝

(攝影:陳志嵐)
建立時間 (HKT): 1001 06:00

佔領金鐘現場,人民力量主席袁彌明死守喺力寶中心對出連接紅棉道橋位,佢話罷課開始計日日落嚟,問佢感受氣氛到而家感覺如何,佢話:「出面好多人,但呢度比較少人,係一個防守線,呢度先係通往中環嘅心臟地帶,係出到大道中,置地,長江通行無阻,咁仲點叫佔領中環?一開始佔咗嗰邊,所以呢邊冇人理,留守都好辛苦,人唔夠,但唔會放棄呢度,一班學生都覺得係戰略性位置要力保。」

佢話當日警察放催淚彈喺現場,事後攬住啲義工一齊喊:「跑完之後都失控,雖然有準備,有眼罩,心諗太誇張,但真係一分鐘,舉完牌就放,其實好好彩班人散咗後再集返埋一齊,梁振英以為市民散完就搞掂。」

袁彌明又話9月28日鎮壓當日係香港最黑暗一日,原來係佢生日,所以都冇慶祝,不過男友都有送「小忌廉」俾佢,亦有落去搵佢。問佢個生日係咪好難忘?佢話:「都預咗,冇諗過係香港嘅黑色星期日囉。」會唔會呼籲藝人撐?佢話:「真心愛香港可以表態,冇得迫,佢哋嘅力量係好大,可以感召好多人,但你愛一樣都有犧牲(開始喊),做咗社運咁多年都慣,瞓街都唔知瞓過幾多次。」

問連日來係咪好感觸?袁彌明話:「係呀,噚日行雷嚇死我哋,本來佔中運動估計得幾千人,多得班學生出嚟罷課毛,衝入公民廣場,然後一下就擦出呢個運動,先會有咁多人出嚟,大學生香港有十幾萬人,佢哋肯出嚟對運動好大幫助...歷史會話比我哋知,我哋做緊嘅事係啱嘅(再喊),大家嘅犧牲係值得嘅。」





娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載