› 選擇地區
三藩市
紐約
洛杉磯
其他美國地區
香港 台灣 北美
 
2014年10月01日

【短片】【發哥撐學生】斥梁振英只識迴避:點解政府唔可以袋住先?

邊個比較受歡迎?
建立時間 (HKT): 1001 06:00

民間特首劉德華已就公民抗命「發表言論」,表示「不要催淚彈、不要武力、不要謾罵....」,願香港平安。其實另一民間特首——周潤發發哥,方才接受本報電話訪問,亦就和平佔中發表其看法。

發哥表示:「個人感受,我遇到啲市民啦,學生啦,佢哋咁樣去爭取訴求係好勇敢,令人感動。警方呢,我覺得佢第一日已經係錯咗0架喇,使唔使用到掟催淚彈呀?同埋學生全部都好理智,仲有一樣嘢就係話,如果政府唔係有一個新方案,令到香港市民或者學生滿意嘅話,呢個抗爭我諗係唔會停。

「政府喺呢個議題上(普選),成日叫我哋香港人袋住先。點解唔可以叫政府調番轉頭袋住先?

「學生叫梁振英落台,其實你叫邊個落台都無補於事。依家最主要嘅問題就係解決咗個方案先。如果呢個第一步都行唔通嘅時候,無了期0架大家都。

「如果政府再用暴力手段對付學生嘅時候,你令香港市民好反感。佢哋個訴求好清楚啦你咪?點解你成日叫人袋住先,你唔可以接納一個方案,係政府你袋住先?咁有錢,你後面有中國嘅國家backup你,你怕咩呢?我都唔知,你怕咩?我都唔覺得有咩問題。

「啲學生或者香港市民如果達唔到佢哋嘅要求時,大家只會繼續拉布落去。唔會完0架呢件事。解決咗樣嘢先……唔論你邊個上台。你搵一個人,學生領袖,你一定要,政府嘅人,同社會上廣大認受性嘅人,去討論一個方案,係雙方可以接受。咁先係一個解決方法。

「我又唔想見到有邊方面受傷,同埋學生係好理智,好聰明,佢哋都係一個和平抗爭,你毋須要用到咁暴力嘅催淚彈。第一時間政府就應該,你唔好避。兜口兜面衝埋嚟嘅嘢,你一定要解決咗佢先,你唔可以避,梁振英唔可以避。」


娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載