蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年10月05日
馬上成為壹會員

【短片】【霞姨!】去唔到政總返工中年漢 原來係老臨?

建立時間 (HKT): 1005 06:00

「霞姨!霞姨!」霞姨,有冇工開呀?有冇飯盒先?

假期後第一個工作天,即10月3日,於政總留守的示威者,繼續堵塞政府總部一條上班通道,令部份職員不滿。當時有人突然於鐵馬陣及聚集人群外激動痛哭,有人相擁安慰;現場消息指事主是政總清潔工,疑因擔心上班遲到而大哭。期間無綫都有拍攝到有應是於政總返工的人大哭,又喊又叫,慘過八號風球要返工。(新聞連結: http://bit.ly/1rWwiLj )

當中有一名中年男子,髮線上到額頭,戴眼鏡,一臉威儀嚴肅,有幾分像已故資深演員陳鴻烈。有網民「引述」電影電視行內人眼利發現,呢位仁兄,原來係御用老臨之一,名叫黃海權,仲係臨時公司帶隊,更指其身後兩個都是老臨。霞姨!

非常有辦事效率的網民火速起底,連這個疑似黃海權在哪間公司做臨記及作品都一一翻出來,又果真有七八成似。但亦有聲稱知情的網民留言代此該臨記公司澄清,指相中人確是黃海權,不過他已經離開該3臨記公司。言下之意似是曲線暗示黃海權可能真係喺政總返工喎。那,黃海權身後兩個臨時演員又點解釋?

長毛梁國雄亦有於fb轉貼此po,寫道:「有數名有良心睇唔過眼既人向我們報料:近人政總無法上班、旺角反佔中人士,部份戲子係由兩間老臨公司。我們正搜集他們的罪證,歡迎向我LeungKwokHung爆料!有電影人已證實,星期五早上在政總外話要返工嗰班係臨時演員公司的人。」

其他網民紛紛留言:
「中肯啲講臨記只係part-time,好多人都做過!包括我!人地正職可能真係喺度返工。」
「老老實實有邊個在咁特別的情況下,返唔到工係會叫生叫死的?」
「八號風球點解從未見過呢啲人。」
「佢係去政總番工呀,就係演場大龍鳳俾你地睇囉。」
「啲戲太假嘞」
「又要叫霞姨,真係我都叫到口乾」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載