蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年10月08日

【新鮮娛頭】陸詩韻寄情工作 感情空白:緣份未到﹗

(攝影:黃曉妍)
建立時間 (HKT): 1008 06:00

陸詩韻﹑黃文慧﹑劉美娟及張崇德等,噚晚出席會展舊翼舉行嘅慈善首映。

陸詩韻表示最近忙於籌備慈善舞台劇,搵咗楊天經﹑李思欣及范振鋒演出,問到有冇搵陳寶珠?佢話:「我唔敢搵佢。」陸詩韻又謂策劃舞台劇之餘,亦會參演,但不是主角。

問到感情生活如何?佢話:「反而冇去諗,都係工作先,緣份未到。」佢又謂擇偶條件不分國籍,講到潮流與翻撻,佢話:「興啫,唔一定要做,我同前男友關係仲良好。」

至於黃文慧七月時已與港視約滿,現在屬自由身,佢話最近參與一個舞台劇演出,以及有電視電影《大凶捕》,講到王維基宣佈下月中開台,黃文慧說:「佢叫我十月及十一月返去做宣傳,我都應承咗。」

咁開返台會否簽返港視?佢話:「如果搵我我都會(簽),因為嗰兩年都好滿足,拍得好開心,好吖,希望香港可以百花齊放,對台前幕後及觀眾都多一個選擇,係良性競爭。」

另外,張崇德及劉美娟身穿黑衫出席,問到有冇特別意思?張崇德話:「我哋呢啲專業音樂人,都係穿黑色,同埋我鍾意顏色,冇乜特別意思。」問到小朋友近日返學有冇影響?佢哋話唔喺區域範圍內,所以冇受影響。

而美娟有感而發話:「撇除政治,作為一個媽媽,見到都好擔心﹑好難過及好傷心。因為返工都會經過佔中地方,點可以去到咁嘅地步,覺得好無奈,希望件事盡快平息,唔想再有人受到傷害。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載