蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年10月13日

【短片】【佔領金鐘】袁彌明通宵留守金鐘: 有學生被鎅傷

(右SocRec圖片)
建立時間 (HKT): 1013 06:00

喺金鐘留守嘅「人民力量」主席袁彌明,今日下午接受我哋電話訪問,佢目擊今日一班疑似黑幫人士搗亂金鐘,佢話:

「警察一朝早襯人少少就嚟拆啲鐵馬,同一時間又有一班戴口罩嘅阿叔衝過嚟喺度拆鐵馬,仲有一個閘就有剷泥車清走啲鐵馬,差唔多係同一時間嚟嘅,我哋都係跑來跑去,裡面都未夠時間增援,警察又好遲嚟黎到,有好多衝突呢,啲警察都話:『哦,睇唔到呀』有人推撞市民同學生,叫警察截住佢哋,唔好比佢哋操入嚟,但佢哋增援得好慢,有啲唔單些推撞,人力都有人被打咗幾槌有學生被傷,我自己冇事,佢哋都會圍住我。」

佢繼續話:「佢哋真係暴徒嚟o架,嗰班左仔完全係暴徒,警察真係好無能,保護唔到我哋,完全偏袒班左仔愛字頭,啲左仔話要入嚟,警察就叫我哋開路,比佢哋入嚟,但佢哋一入嚟就會造成混亂,佢哋有暴力行為o架嘛,喺旺角已經睇到啦,點解仲放佢哋入嚟,梗係驅散佢哋就算啦,仲要我哋開路,我覺得好唔合理囉,佢哋(指警方同疑似黑社會)都夾埋o架啦我覺得,我今日都會通宵o架啦,而家就平靜少少,愛字頭黑社會走咗。」

下午6點左右,袁彌明亦up片上fb解釋返今日金鐘嘅狀況,話金鐘道會加返鐵馬,現場亦有竹同鐵馬可用。不過佢呼籲人過金鐘之餘,都表示金鐘情況會好危險,因為一班疑似黑社會人士又帶刀又打人,所以建議學生唔好嚟,大人都要知道風險,警察係會清場,要預咗俾警察拘捕嘅心理準備。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載