› 選擇地區
三藩市
紐約
洛杉磯
其他美國地區
香港 台灣 北美
 
2014年11月09日

【短片】【點樣「清者自清」】撐過佔中咩? G.E.M.南京開騷出口術講被封殺

建立時間 (HKT): 1109 06:00

因為《我是歌手2》而於內地爆紅嘅鄧紫棋(G.E.M.),本就來自內地,依家衣錦還鄉,喺內地密集開騷,賺個滿堂紅。之前話想同梁振英講聲加油嘅佢,依家當然隻字不提政治。專注做歌手。當佔中開始之初,幾乎好多香港藝人,就連平時一粒關於政治嘅字眼都唔講嗰啲,都紛紛表態,但G.E.M.,依然故我貼圖開心share話:「禮拜六啦!明天又一個新開始!大家周末在幹嘛?」令人「另眼相看」,結果G.E.M.要急急補飛貼文,話為香港祈禱同埋「為香港吶喊」。(新聞連結: http://bit.ly/1AJxAPK )

點知呢,內地班「恩主」原來唔識分邊個係「自己人」,竟然話要封殺G.E.M.(新聞連結: http://bit.ly/1ykv9xi ),佢所屬「類別」係「嚴控類必須報文化部市場司批准才予受理審批屠」,已審批嘅都要重新報經市場司批准,先至可以演出,同時仲要演出機構溝通,確保「不發生不合適的言論」先得。

噚晚仍然如常於南京開巡迴演唱會嘅G.E.M.,就似乎好擔心好擔心,喺台上話:「最近有很多流言蜚語,甚至說我以後都不能夠在這個舞台上唱歌給你們聽了!知道你們很擔心我,但我相信清者自清,相信我的音樂可以讓你們感受到我對你們真心真意的愛。」內地傳媒話,有fans聽到即刻「淚崩」。問題係,G.E.M.所謂嘅「清者自清」,是否等如,表咗態支持學生,就係「唔清白」了嗎?

之後G.E.M.再於微博貼文話:「南京今晚真的好冷,但我的心非常溫暖。你們對我的愛,給了我最大的勇氣繼續前進;而我也相信我對你們真心真意的愛,你們一定會在我的音樂裏感受得到!無論今晚在不在場,謝謝我的每一位歌迷!我真的,很感謝你們,很愛你們!」

真係抵G.E.M.咁紅嘅。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載