› 選擇地區
三藩市
紐約
洛杉磯
其他美國地區
香港 台灣 北美
 
2014年11月10日

【急!證愛國之心】為內地封殺闢謠G.E.M.助手堅稱:個唱一直獲批

(微博圖片)
建立時間 (HKT): 1110 06:00

內地爆紅嘅鄧紫棋(G.E.M.)現時喺各省密集開騷,喪吸人仔,G.E.M.之前仲想同梁振英講聲加油,當時佔中開始之初,佢只係留言寫過「為香港吶喊」、為香港祈禱,點解最近忽然盛傳佢被內地「恩主」封殺,亦有傳係G.E.M.紅咗態度變囂,寸嘴得罪人先被封殺。

據知G.E.M.所屬被「封殺嘅類別」係「嚴控類必須報文化部市場司批准才予受理審批屠」,已審批嘅都要重新報經市場司批准,先至可以演出,同時仲要演出機構溝通,確保「不發生不合適的言論」先得,疑禁止一切商演代言(新聞連結: http://bit.ly/1pGdrW3 )。

傳出被封殺消息後,早前G.E.M.首度現身,喺南京奧體中心體育場舉行巡唱,於台上講到被封殺嗰陣,爆喊表明「相信清者自清」,仲為咗表達愛國之心,講自己出年太空之行,G.E.M.會唱出中文歌,令整個宇宙聽到中國嘅聲音,呢啲先係令佢真正激動嘅事。

今朝有內地傳媒問過G.E.M.嘅內地助手李小姐,李小姐指G.E.M.嘅個唱一直得到有關部門嘅支持同批准,日前該部門仲批准咗11月22號嘅廣西南寧個唱,強調網上爆出G.E.M.被封殺嘅消息,係無中生有嘅謠言。

據內地媒體引述,助手李小姐表示G.E.M.雖然係香港青年,但G.E.M.已多次表示自己愛國愛港。李小姐解釋今年嚟,佢一直喺G.E.M.身邊做助手,G.E.M.嘅一言一行,李小姐好瞭解,G.E.M.係一個有上進心嘅90後青年,每一場個唱都準備得非常認真,所以G.E.M.嘅個人演唱會,從廣州、成都、南京一路演下來,幾乎都是場場爆滿。

李小姐更向內地媒體透露,11月8日號,G.E.M.喺南京個唱成功後返到賓館,佢仲念念不忘四川歌迷嘅熱情。之後兩年G.E.M.都會喺成都開個唱。同時,G.E.M.決定為四川歌迷做一件善事,準備用公司發俾G.E.M.嘅薪水嚟資助四川山區一至兩位貧困女大學生讀完大學,表達一個香港90後青年同內地青年心連心嘅同胞之情。愛國之心咁火熱,大家聽到唔知係覺得感動定係毛管戙?

有網民睇完該報道亦支持G.E.M.兼留言:「這種人還可以在內地開演唱會,而歌迷還給加油,不知是打了誰的耳光」,不過亦有唔少內地網民繼續鬧爆G.E.M.指,「希望廣西南寧的歌迷能封殺她,給南京人樹個傍樣」、「這種人能讓她在內地開演唱會嗎,哪些歌迷都腦殘了嗎?」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載