› 選擇地區
三藩市
紐約
洛杉磯
其他美國地區
香港 台灣 北美
 
2014年11月29日

【短片】【勁關心黃之鋒「size」】王晶兩年前讚之鋒:香港有人接棒了 今日喪鬧之鋒:未見過咁仆街

點解王晶兩年前盛讚學民仔係香港未來接班人,兩年後就係咁狂鬧佢哋?
建立時間 (HKT): 1129 06:00

學民思潮召集人黃之鋒控訴警方於旺角被捕時,遭警方暴力對待。黃之鋒稱被警多次襲擊下體。「藍絲」王晶即寸道:「哈哈哈,黃之鋒投訴員警多次襲擊他下體?哈哈……而他並沒有爆春袋而死。莫非真係JJ細過老鼠,揾極揾唔到?細路仔屈人都有邏輯啲,你試下俾我襲擊一次下體,包你出年年初九仲喺醫院!」黃之鋒就於fb回敬道:「的確係細過米奇老鼠咁又點?」

59歲王晶對18歲黃之鋒,一個王一個黃,政治立場不同,但藍絲王晶叔叔似乎對黃之鋒的「丁丁」好有興趣,先以疑似恐嚇,又在毫無證據之下質疑之鋒講大話。今日,王晶叔叔又有高見,寫道:「傳說有美國契爺的黃之鋒回應我懷疑他下體細過老鼠,他說:『細過米奇老鼠又點?』冇乜點,恭喜你女朋友囉,擁有稀世之寶囉。哈哈哈…」算唔算刻毒?

之後王晶再寫道:「這兩晚持續有『年輕人』在彌敦道鬧事,越來越無賴,越來越黑社會,警匪片反派賤招,全被他們發揚光大了。你們贏了!香港年輕人發奮上進,堅毅實幹的形像,已被你們毀了。黃之鋒説:『移民不可能去沒年輕人的國家。』對。弊在我去過四十多個國家,未見過你哋呢班咁仆街嘅年輕人!香港未來靠你哋?乞米啦!」

前律政司司長、基本法委員會副主任梁愛詩前日先至批評參與雨傘運動的年輕人有理想但唔講道理,仲話:「點樣放心喺20年後將香港交畀呢班人去管呢?」梁愛詩如何能自詡「香港代表」並將「香港前途」交俾邊個邊個;第二,梁愛詩20年後幾歲呢……王晶廿年後都79歲,而黃之鋒,都係38歲之嘛。

不過還有兩點,頗堪玩味。第一,今日王晶於微博寫此段「香港未來靠你哋?乞米啦!」時,用咗佢自己嗰部票房失利之作《古惑仔之江湖新秩序》做配圖;第二,2012年12月24日,王晶叔叔於微博轉貼《壹週刊》訪問學民思潮嘅截圖,並謂:「壹週刊今期封面『2012風雲人物:學民思潮』,我好少同意該周刋見解。但今次我認同。呢班年青人後生可畏!香港有人接棒了!」

究竟呢兩年來,究竟係黃之鋒變得快,定係王晶變得快?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載