蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年12月03日

【短片】【做人做事態度】高志森絕食同自焚並論秋生:低智森冇改錯名

(facebook圖片)(蘋果日報)
建立時間 (HKT): 1203 06:00

學民思潮三位成員前晚起開始無限期絕食,怎料「愛國森」高志森竟貼出無綫報道學民思潮成員宣佈無限期絕食的新聞,並留言指「自焚算了吧,快丶狠丶準!」又指「你唔好睇我肥肥哋,我每日都有22個鐘頭絕食架(㗎)。」結果被十大傑青張潤衡譴責鼓吹自焚。

其實,好簡單,教唆他人自殺,係犯法0架高生。一個年過半百、又見識廣博充滿智慧嘅著名大導演日日死纏學生不放,今次仲煽動對方自焚,已經不止刻毒涼薄吧?

擺明淆底嘅高志森,今日補鑊問大家「咁認真做乜」,又指是荒謬喜鬧劇,更表示「絶食又夠係自殘行為啦,其他年輕人都不要有樣學樣,咁你哋又唔勸止呢啲「人」自殘?」(新聞連結: http://bit.ly/1yggsKD )。

昨日黃秋生也不開名於facebook留言:「低先生,你唔係肥肥哋,你係好X肥,瘦過條精蟲小小,若果你死咗,好似董卓咁,肚臍點燈,臍脂自照不需燈,冇佢咁三日三夜,起碼兩日半。快,準,狠!(你以為你好X好笑呀?)公開鼓勵人自殺,係咪犯法㗎?有冇法律界答到我?低先生,睇吓香港法例第33B條。」

根據香港法例第212章《侵害人身罪條例》第33B條任何人協助、教唆、慫使或促致他人自殺或進行自殺企圖,即屬犯可循公訴程序審訊的罪行,一經定罪,可處監禁14年。未知高志森開這個佢自己認為係嘅「玩笑」,是否真的沒想過後果?

今日看完高志森回應後,秋生再在facebook指,「低智森冇改錯名,咁認真做乜?呢句好明顯代表咗佢自己嘅做人做事態度。絕食同自焚並論,更顯低智,即係吸煙同吸毒都係傷害健康,所以鼓勵人吸毒同叫人食支煙一樣,使乜咁認真?絕食可以隨時停,自焚可否?」絕食有醫生在旁給予專業意見,在危急情況下,可以終止絕食,但鼓吹別人自焚,又可否救回別人的性命?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載