蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年12月31日

黃集鋒未收半份糧照祈福《星動》監製轟亞視三大荒謬

(攝影:陳志嵐)
建立時間 (HKT): 1231 06:00

亞視前日宣佈先向員工發放11月半份糧暫緩財困,至今仍期待「白武士」蒲頭,令亞視有望起死回生。昨傳出節目《星動亞洲》本周播完存貨便會摺埋,該節目監製潘康健日前接受訪問,力數亞視欠薪風波是社會三大荒謬。

潘康健於10年加入亞視,他日前在大埔訪問時,揶揄亞視拖欠員工薪金:「第一,政府應該要係11月30日話你知發定唔發牌,一路拖到今日。第二,老闆好荒謬,可以出半個月糧畀員工,怕大家告到佢清盤,清盤就一定輸晒;其他投資者點會執呢個爛攤子。第三,員工仲荒謬,外界人奇怪你哋冇糧出仲返工,呢樣就只有亞視人先知亞視事。」

不過効力過無綫的潘康健,大讚在亞視工作富人情味:「我下面有4個導演、4個助理編劇(PA),人雖然少,但大家會互相幫助,唔似得對台,有好多層好多派系,亞視就冇爭嘅觀念。」潘康健指電視業界沒前景,他更揶揄無綫:「即使係無綫遲早都有一日執笠,O依家20至30歲嘅人唔鍾意睇電視,遲多十年,20到40歲嘅人唔睇電視,慣性收視頂得幾耐!」

今日約滿亞視的黃集鋒,與楊正軍昨到黃大仙求籤祈福,黃集鋒昨撳機結餘剩下0.94元,仍未出糧,他說:「可能我份約就滿,會計等我約滿先一齊計。」黃集鋒仍希望亞視度過危機:「佢執係香港人損失,期望有電影業人注資,我喺亞視兩年,一日為師,終生為父,好感恩。」楊正軍昨表示已出份半糧,他力撐亞視:「O依家出咗半個月,大家士氣好好。」亞視公關部昨回覆所有藝員的11月半份陸續過數,黃集鋒都不例外。

此外,黃集鋒為亞視前途求得第64中吉籤「孟之反敗師」,相士李俊樺解說:「問前程O依家會反覆啲,係磨練,唔好退縮,最後有貴人扶持。」籤文似暗示即將有白武士打救亞視。黃集鋒同時為自己求了第15上吉籤「明皇遊月殿」,李俊樺勸喻黃集鋒:「唔好成日唔耐煩,畀啲耐性,唔好灰心,提防口舌是非。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載