蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月02日

【叮噹配音員離世】亦師亦友
譚炳文痛惜:前晚仲見到佢,一齊配韓劇

113,525
最後更新: 0103 02:32 / 建立時間 (HKT): 0102 15:30

「叮噹」御用配音員林保全師從丁羽,當年亦是丁羽一手提攜他晉身影圈,為洪金寶配音。其實林保全亦是跟譚炳文出身,炳哥今日接受本報電話訪問時表示﹕「佢跟咗我幾十年啦,睇住佢入行,我帶佢出去配電影都有過千套,點記得(咩名)嘞?」

炳哥表示那時當林保全只是「細佬」,以前跟他去澳門飲飲食食,好多回憶,他說﹕「梗係深刻啦,好朋友,我見住佢追女仔,睇住佢結婚,佢個女都對我好好。佢有時都叫我師父,但多數叫炳哥。」

「叮噹」陪著香港人成長,不少網民驚聞保全叔離世消息後,也紛紛留言謂以後不會再看叮噹,也不要任何人取代保全叔的位置。問炳哥覺得誰可以接棒聲演叮噹?炳哥就說﹕「依家暫時未諗到邊個把聲似,但呢啲主管問題,唔關我事啦。」

炳哥對保全突然離開亦感傷痛,他表示﹕「係好突然,唉....惋惜?梗係有啦,幾十年啦,前晚仲喺錄音室見到佢,一齊配緊套韓劇。係今朝佢個女打番嚟畀配音組主管,我哋先知。」

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2018 AD Internet Limited. All rights reserved. 版權所有 不得轉載