蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月02日

【叮噹配音員離世】毛遂自薦電視台 配音之路闖出來

38,733
建立時間 (HKT): 0102 14:46
林保全先生早前接受港台的訪問。(香港電台第2台"守下留情"專頁圖片)

今天早上資深配音員林保全先生離世,在香港電台的節目《守下留情》中,主持為保全叔做了一個訪問,由保全叔童年開始說,而今天正好就是保全叔訪問的最後一集。

訪問中,保全叔說到:「我喺澳門出世0架,讀中學時候來香港。(玩咩大?)都係一般細路仔玩果啲。(讀唔讀書呀?)唔鍾意讀書。(鍾唔鍾意講嘢?)都唔鍾意講嘢,無電視睇,細個時只聽收音機,聽鬼故。(有咩前輩?)李我啦,(有炳哥未?)未0架。鍾意聽廣播劇0架,(會唔會扮?)都唔會,齋聽0架咋,(兒時夢想?)當時夢想做飛機師。(點解)覺得可以周圍去。」

保全叔表示,讀中學時玩話劇多:「喺台上做話劇,做過一套《雷雨》,中學讀書成績唔ok,跟住唔係想飛機師,只想做普通文員,當時畢業入咗一間銀行做office boy,做咗一兩年到,之後寫信去TVB囉。」

問到為甚麼想做配音員?保全叔就說:「當時因為見到姜中平配嘅泰山,配得好好,好早期0架喇,最早期台播0架喇,覺得幾好喎,咪寫信去自薦,當時寫係對話劇好有興趣,好想試下做配音,封信寫自己對做話劇好有興趣,好想做配音呢行, 好快都有回音,因為無綫都好需要人,所以好快就有回音。」

說到入無綫後,分了跟那一個前輩學習?保全叔謂:「配音組當時有二十幾人,譚炳文、姜中平、丁羽叔好多都喺度。當時搵咗十個新人叫做入訓練班,但其實冇人訓練,只係入去自己裝一套35MM嘅菲林,自己對囉,攞住劇本自己對囉,冇人教0架。平時返工坐喺後面睇前輩配囉,跟下跟下咁囉。佢哋配啲角色,好啱身份,好合襯,好似係果個角色講出來咁,呢啲就係經驗嚟0架。」

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2018 AD Internet Limited. All rights reserved. 版權所有 不得轉載