› 選擇地區
三藩市
紐約
洛杉磯
其他美國地區
香港 台灣 北美
 
2015年01月05日

【短片】【保全的聲音】得悉叮噹結局大雄患自閉症保全叔感難過:好唔開心!

林保全以叮噹聲同大家打招呼,更令人懷念。(電視圖片)
建立時間 (HKT): 0105 06:00

無綫資深配音員林保全上星期五猝逝,終年63歲。今午無綫節目《今日VIP》播放陳芷菁與保全叔訪問,節目開始前先播放張敬軒﹑森美及梁嘉琪懷念字句,之後旁白說了句:「謹以以下節目懷念尊敬的林保全」。

節目開始前,陳芷菁表示:「今日我哋嘅嘉賓,無論大人細路聽到佢把聲,都會好開心。」保全叔此時叮噹上身:「各位你哋好呀,我係多啦A夢呀﹗」

芷菁問到:「平時唔扮佢(叮噹),有冇人聽得出把聲係你?」保全叔表示:「有呀,如果出面傾幾句嘢,咦﹗你做配音喎,配多啦A夢。」
芷菁又謂:「若有人打畀你,或者訂位時聽到把聲係咪好熟?」保全叔說:「咁又冇。」

為叮噹配上廣東話的人正是林保全,問到為何找他配叮噹?保全叔說:「因為Producer覺得我把聲比較接近原聲,而日本係用女人聲配,我配時用比較尖啲聲去配。」不過保全叔把聲點聽都不像女聲?問到年輕時塊面圓圓哋?他說:「細個已經咁肥,由細到大都咁肥。(似玩具貓有分數?)會呀﹗」

問到配多久才對叮噹產生感情?他說:「配咗五六年先鍾意機械貓。(五六年轉捩點係?)其實每一年都有新卡通返嚟,配配下越配越鍾意,(鍾意佢乜?)鍾意佢幫助大雄。(有冇計算幾多法寶?)100樣以上,有啲都冇用到。」

芷菁再問到:「你會唔會知道一啲關於機械貓嘅嘢,而我哋唔知?」保全叔說:「個結局啦,係大雄有自閉症,但個結局最後冇配到。(點解?)因為可能未買到返嚟。(以為唔想人知,當知道後難過嘛?)都幾難過,結局係咁樣,自己都好唔開心。(個結局只知道大雄,玩具貓點樣?)未知道。」

保全叔坦言家人也喜歡叮噹,而他本人有用叮噹杯及碗。而此配音角色在他生涯佔有重要席位,除了叮噹外,《鐵齒銅牙紀曉嵐》內的和珅,保全叔也相當喜歡:「和珅性格好似我,容易配上去,配上去就覺得佢係自己講出嚟咁。」

有指叮噹結局是大雄患自閉症,但據悉這個結局包括「叮噹停電、大雄做科學家」,以及「大雄係自閉,幻想有叮噹」都是網傳的,試過有日本人畫出來,令太多人相信,有指出版社要出律師信。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載