蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月05日

【保全的聲音】新人想做配音
保全叔忠告:多讀報紙,聽下有冇懶音!

22,227
最後更新: 0105 22:19 / 建立時間 (HKT): 0105 16:21

繼續係《今日VIP》陳芷菁訪問林保全,保全叔貫徹沉默寡言作風。問保全叔是否因為特別喜歡配卡通人物,因而影響囡囡林芷筠也加入?他說:「係呀,佢入咗行十年,0依家配卡通片。」見到爹哋開心所以影響到她?他說:「佢自己鍾意配音。(因為你緣故?)係呀,佢有問我點配。」

保全叔表示每日與囡囡返工,問他放工後是否少說話?他謂:「我好少講嘢,盡量少開聲。」雖然配音其間不能郁身郁勢,但他表示不怕累,因為已經習慣了。

講到以前配音員除了配對白外,還有其他效果,好似門聲﹑風聲及腳步聲都要配,保全叔說:「以前入行,機器冇咁先進,同啲效果一齊做。(0依家先進咗?)可以分出嚟,0依家只係配對白,唔使兼顧效果。」他又謂當時若NG的話,會比較麻煩,壓力較大,不過保全叔就較少NG。

問到若能選擇,保全叔會同步享受刺激(即配埋效果聲)或是現時只配對白較舒服呢?他說:「同步比較上好玩啲,變咗專注力好咗好多,0依家專注力冇咁好,NG邊度嚟可以喺嗰度接返就得。」

問到是否多人參與配音行業?他說:「都多,有100人。(點解呢?)0依家配的嘢多咗,需要人和聲都多咗。(以前少招生?)剛入行時有三十幾人。(新人入嚟跟幾耐先有角色?)要睇資質問題,如果快上手可以配多啲角色,如果資質唔好,會比較慢少少。」保全叔表示配音多年,很多角色都配過。

若然有新人加入配音行業,保全叔有什麼忠告提示?他笑稱:「睇下幾時招生。(除咗呢樣?)自己家中要練習,讀多啲報紙,自己錄咗嚟聽返有冇懶音,有冇講嘢唔清楚。」芷菁又問到配音時,若咬字不清,會否有人從旁糾正?他說:「有呀,Producer會糾正,要咬字清楚,講嘢清楚。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載