蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月05日

【懷念保全叔】大雄媽咪:佢係我心目中叮噹丁羽流淚:佢喺我心中排第一位

梁少霞(左)及許盈(右)在特輯中表現傷感,而丁羽叔(圓圖)更是老淚縱橫。(電視圖片)
建立時間 (HKT): 0105 06:00

今晚無綫播出的《東張西望》,於第二節有懷念林保全特輯,並找來第二代大雄媽咪配音許盈及第二代靜宜(靜香)配音梁少霞﹑以及保全叔太太和師父丁羽,憶述一些保全叔往事。特輯內還播放保全叔生活照及出席台慶活動時片段,更令人感慨!

保全叔突然離世,令叮噹家族缺少了核心成員,但梁少霞及許盈仍收拾心情,繼續配音工作,梁少霞表示:「心裡面永遠唔會忘記呢把聲。」她謂印象最深刻是叮噹把聲好響亮:「叮噹(保全叔)每次講嘢都會好響,好多時畀佢遮咗(把聲),但配得好生鬼,你會覺得好似真係有一隻叮噹喺你隔離跳下跳下。」

許盈則謂:「佢喺我哋心目中,佢就係叮噹。」她續說:「我雖然唔係第一代,但呢個卡通本身好有人情味卡通,我哋一齊配得好開心。」

至於丁羽則難掩傷感,他今天再見配音組同事,也十分感慨,對於失去高徒,丁羽叔慨嘆:「配音界好大損失。」丁羽讚保全叔反應快,口齒伶俐,他說:「起碼最低限度老中青三個角色,都配得有紋有路,佢配音有第六感,所謂第六感,就係有sense,好有潛質。」

丁羽有好多高足,問到保全叔在其心中排第幾位?他說:「排第一位,因為佢做人務實,做嘢一絲不苟,好認真,又敬業樂業。」




娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載