蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月09日

【十大中文金曲】洗腦歌《越難越愛》摘金曲 吳若希晒胸喊爆

(攝影:陳順禎﹑仇志德﹑馮嘉銘)
建立時間 (HKT): 0109 06:00

雙金腰帶得主、職業拳手曹星如今晚帶佢同嘅戰利品,西裝骨骨咁上台頒發第九首十大金曲由吳若希《越難越愛》奪得,亦是其首次得十大金曲。吳若希即向前俯身脫下外套,鏡頭對準佢,佢就連續三度向前俯身除褸,但一起身嗰下即以手遮胸防走光。

吳若希甫上台即已經喊晒,司儀笑住提佢傳統係應該接過獎項先至喊,仲緊張到拎錯咗曹星如支咪當係獎。吳若希BB話:「我入左行就嚟五年,每年我都問自己幾時重新踏上呢個台。」之後逐一多謝幫助過佢嘅人,特別係唱片公司老闆何哲圖,話如果冇對方,就冇人識吳若希係邊個。吳若希越講越激動,司儀冷不防提佢都要多謝埋《使徒行者》女主角佘詩曼,吳若希聞言都有致謝對方。

最後吳若希話:「今年係我自覺過得幾辛苦嘅一年,我記得我同爸爸講過,只要捱過就得,依家我企喺台上,證明我已經捱過咗。」

另周柏豪嘅《傳聞》同吳若希《越難越愛》同分,並列第九首金曲,甫上台即與曹星如作狀對打。第十首金曲則由許志安嘅《流淚行勝利道》奪得。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載