› 選擇地區
三藩市
紐約
洛杉磯
其他美國地區
香港 台灣 北美
 
2015年01月12日

【短片】【抹黑定事實?】自稱《歌手3》專業樂評人爆料指陳潔儀「全場都在走音」

唔「嗌」歌,唔只衝唔到上太空,仲俾人話佢全場走音。
建立時間 (HKT): 0112 06:00

喺《我是歌手3》入面,唱得之人陳潔儀就唔係行「嗌歌」路線,結果係點?咪係最後一名囉。(新聞連結: http://goo.gl/Ky9ig2 )

不過網民嘅耳朵是正常的,有人質疑,點解陳潔儀歌得咁好,但要包尾,呢個問題連日嚟引起熱烈討論,不少網民都戥陳潔儀不值;但係,就喺呢個時候,忽然彈出一個自稱係《我是歌手3》嘅現場觀眾兼專業樂評人,佢話大家喺電視機同網上睇到嘅版本,係經過後期執過、更指陳潔儀當晚唱《心如刀割》嗰陣,係全程走音,全靠後期製作幫佢執番靚云云。

呢位內地樂評人鄧柯,應邀參加嗰集《我是歌手3》錄影,之後接受內地傳媒《新快報》訪問時話:「這一場陳老師的走音實在是太……慘烈,完全和其他歌手不在一個水準(即便胡彥斌破了音)。」、「陳潔儀的音準從頭到尾都有問題,我聽得『心如刀割』。但節目組在後期編輯的時候,把音準修正了,讓現場以外的觀眾沒有被再『割』一遍。」

鄧柯仲煞有介事咁話:「《我是歌手》沒有淘汰黑幕,《我是歌手》不虧待走心小嗓,《我是歌手》的500人聽審團不是無腦高音控,是陳老師自己沒有唱好。」

而好多網民睇完呢篇文章之後,都表示存疑,亦有人睇番《我是歌手3》重播片段,指陳潔儀嗰part聲畫確實有少少時差喎。但最離奇仲係,鄧生喺佢篇評論於網上瘋傳之後,馬上寫微博澄清,教大家原來「走音」唔等如「走音」,換言之,「走音」根本唔算係「走音」……唔明?佢話:「鑒於一些媒體在引用我觀點中出現了偏差,我還是澄清一下:我的原文是『她全場都在走音』。『走音』和『跑調』是有本質區別的。走音只是唱得不夠高,一時失手,好比瓷磚沒貼齊。而『跑調』直接是把瓷磚敲碎了。只要訓練出調式感的人是不會跑調的。請使用專業術語請一定準確。」

有冇當晚七情上面嘅現場觀眾可以講番兩句呀?當晚都在場嘅參賽者之一古巨基,又聽唔聽到陳潔儀「走音」呢?

另外,陳潔儀今晚八點幾喺微博留言,佢話:「看完節目心中是滿滿的溫暖和很多的感謝,謝謝洪導親自誠摯的邀請讓我有這麼難忘的經驗,謝謝@西藏昌都人韓紅@張靚穎@古巨基LeoKu@孫楠@天生歌姬A-Lin@胡彥斌以及我經紀人@田源V,你們的友誼是我最大的收穫,謝謝@我是歌手所有團隊以及@梁翹柏老師和辛苦的樂隊老師們,你們真的太棒了。」

至於古巨基則回應表示:「Kit,這次在《我是歌手》最開心的其中一件事就是和妳重聚~浮起了從前一起在香港做唱片宣傳的畫面,浮起了phantomoftheopera⋯,轉眼原來已經十多年了⋯。以後來香港記得找我,我們好好的吃吃飯聚一聚~」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載