蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月21日
馬上成為壹會員

【舞姿生硬】與顏卓靈攬腰跳探戈 King@CAllStar硬晒

King@CAllStar與顏卓靈喺機場跳探戈,表現合拍。
建立時間 (HKT): 0121 06:00

組合CAllStar嘅新碟《CollabStar》喪碌人情卡,邀請多個合作單位,除早前邀請鄭秀文、SuperGirl合唱外,日前成員吳崇銘(King)與《狂舞派》女主角顏卓靈(Cherry)合作,為新合唱歌《戰場上的最後探戈》拍MV。

兩人喺機場離境大堂拍攝,由於喺機場拍攝不能阻塞通道,所以佢哋開夜車,由凌晨一點開始跳,一直跳到清晨五點收工。

由於阿King不擅跳舞,對住Cherry難免有啲生硬,不過後來越跳越有,只係有時為咗記住舞步而表現緊張,導演要開咪叫佢哋記住保笑容,兩人先識笑,雖然跳探戈時,會有貼身攬抱坐地舞姿,但佢哋跳起上嚟表現有板有眼,甚少NG。

阿King與顏卓靈首次合作,便互笠高帽,阿King大讚Cherry:「佢唱歌聲線十分獨特,之前我冇聽過佢唱歌,但監製讚佢唱得好,起碼冇走音。」

至於Cherry表示,呢首歌係兩人初時相遇,到激情地相愛,但最後都要分離,之後大家都唔知道呢一世再有冇機會相愛,佢係將呢個感覺唱出來。
Cherry又稱,今次佢哋只學咗5堂探戈,有啲舞姿其實頗有難度,阿King自言冇跳舞底子,但佢每次排練時,都執到正一正。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載