› 選擇地區
三藩市
紐約
洛杉磯
其他美國地區
香港 台灣 北美
 
2015年01月27日

【短片】【獨家村人緣差】34D袁嘉敏被寸玩小學雞遊戲杜汶澤:猿糞

(資料圖片)(蘋果日報)
建立時間 (HKT): 0127 06:00

早前有報道爆09年最上鏡港姐袁嘉敏「一脫憂鬱」,聽聞拍《鴨王》為爭做女主角,答應露兩點上陣,片酬只收廿萬,有指原先劇本只係安排兩場床戲,點知臨時拆6場情慾戲份,點知日前佢拍嗰場,喺遊艇半裸露34D上陣嘅短片外洩,對於電影未上映,就流出片段,袁嘉敏情緒好激動,甚至有指佢喊到手震。

今日又有周刊表示,向來「獨家村」嘅袁嘉敏人緣唔好,拍《鴨王》嗰時,已經好惹是非,先後同劇組女角傳不和,當中同Jeana(何佩瑜)直情公開出言互寸,不和到出晒面,連同戲男主角Dominic(何浩文)都忍唔住喺本月初於facebook開口寸佢,Dominic寫道:「我真係冇興趣玩埋小學雞遊戲,自己唔知自己咩有問題就問下其他人發生咩事,點解自己被針對。」

據報道指,屢傳同袁嘉敏因為拍《3D豪情》搞到勢成水火嘅杜汶澤都有喺facebook回應Dominic,先問「我懷疑你講緊一條八婆」,Dominic即回覆:「大佬醒目到個程度,可唔可以教細佬兩招太極洗下。」阿澤又話「八婆係唔洗對付嘅,因為點都唔會得,紅唔倒係其次,最重要係,痴(黐)線唔單止影響其他人,自己亦唔見得開心」阿澤同Dominic講講下,仲講咗句「其他人同佢,就係佢地之間嘅猿糞」。講到「猿糞」,唔知「猿」字,同姓袁嘅袁嘉敏有冇關呢?

冰封三尺,非一日之寒,袁嘉敏一向喺圈中,人緣唔多好,該報道都訪問過唔少知情人士,指袁嘉敏拍《3D豪情》本來答應露點演出,又話咩都得,點知到日本拍外景忽然「冇口齒」,臨時反口,話係客串價,睇過劇本覺得同戲太多AV女優,自己唔需要露;到拍《鴨王》做女主角,就不時呼喝劇組,擺款做一姐,成日改導演劇本,即場黑面、喪發脾氣,態度極之惡劣。

又有傳曾做電影發行主任嘅袁嘉敏,喺大台浮沉5年,簽咗俾太陽娛樂,先有機會衝上大銀幕,該周刊指,袁嘉敏初入太陽娛樂喺周年晚會抽到大獎5萬,在場嘅人叫佢「萬歲」請食飯,點知佢就寸爆話簽咗俾太陽娛樂,接少咗好多job,又要被抽佣,出面接司儀job搵嘅多過依家份人工。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載