蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月28日

【「樂壇人瑞」個名點嚟】高登瓊姐睇千嬅騷 激讚丁太:邊跳邊唱也夠氣

建立時間 (HKT): 0128 06:00

「樂壇人瑞」呢個名,有得閒無事上高登嘅話,你都應該知佢講邊個?噚日楊千嬅忽然喺《楊千嬅Let'sBegin世界巡迴演唱會2015》對號入座,千嬅自嘲係「樂壇人瑞」,本來嘉賓Sammi(鄭秀文)同千嬅講緊佢哋好似樣,試過俾人認錯,甚至有人叫嗌錯Sammi係「丁太」,Sammi叫千嬅同佢組隊「Twins」,不過Sammi講笑指佢哋已經有啲超齡。

千嬅就話:「冇所謂㗎!依家興呀,我成日見到啲網民寫『樂壇人瑞』!你知嘛,做到人瑞係件好大成就,我都不知幾想,咁可以對個仔耐啲!」搞到成場大笑。

原來連一向暗寸千嬅係「樂壇人瑞」嘅「高登瓊姐」噚晚都有去睇千嬅個紅館騷,高登瓊姐今日凌晨喺facebook解釋,點解叫千嬅做樂壇人瑞,先反問網民覺得呢個稱呼係褒定係貶,之後佢就寫道:「其實我改這個名的時候是中性的,純粹形容楊千嬅唱極都未被市場淘汰,褒中帶貶,貶中帶褒。」

高登瓊姐又話:「她啲歌,我係好熟的。事前沒有看rundown,居然中了幾首我的wishlist(《花與愛麗斯》、《大傻》、《因為所以》、《愛人》),還有鄭秀文做bonus。」

瓊姐仲講演唱會好唔好睇係其次,覺得呢啲好主觀,話自己睇個唱係睇歌手團隊有冇擺心機落去,節錄留言:「熱血青年的啦啦隊舞令我懷疑四十快一的千嬅仍想扮愛情當入樽的Twins,但是,起碼睇到千嬅有練習,邊跳邊唱也夠氣,有放心機,舞步有力度不是求其跳。」仲讚千嬅唱功有明顯改善,識運用丹田唱。

佢又指:「雖然我對這個演唱會的看法,好像「樂壇人瑞」這個名般褒中帶貶又貶中帶褒,但我都很滿意這個演唱會,最重要是看到她和團隊擺心機,明明千嬅去到呢個階段,hea唱堆大熱金曲到完場咪得囉,但她偏想要進步,偏要跳20分鐘medley。瓊姐認為:「『活到老,學到老』,這正是長輩精神。樂壇人瑞這個名,是褒的。被叫『樂壇人瑞』係褒義嚟嘅!」唔知千嬅點睇?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載