› 選擇地區
三藩市
紐約
洛杉磯
其他美國地區
香港 台灣 北美
 
2015年02月02日

【短片】【風水打救亞視】李居明:最近嘅事罪不在亞視,罪在搬入大埔

(攝影:陳慧安)
建立時間 (HKT): 0202 06:00

近數月財困欠員工薪金而等待白武士迎救嘅亞洲電視,今日就喺大埔總台停車場為新節目《李居明妙論天下》舉行啟播記招,節目中李居明會以風水解構亞視,總共九集都會全程直播出街。執行董事葉家寶、李居明大師跟劉鍚賢主持記招,葉家寶表示同李居明係相識四十一年嘅舊同學,今次榮幸獲得對方出力支持亞視,李居明表示留意到亞視近日新聞,非常關注,加上同葉家寶係舊同學關係,佢話:「若果今日唔係葉家寶坐喺度,我會起身,佢係亞洲鐵人,唔係楊全廣,佢救亞視嘅誠意係感動到我。肥仔賢係我39年嘅話劇好朋友,我點可以見死不救,我仲諗埋《因為睇大師,破例睇亞視》。」

風水大師李居明自稱係醫生,今次亞視咁大鑊,好多人叫佢由亞視死,但佢覺得醫生對住快死病人都要去醫,睇下有冇得醫,有冇得救。

記招上佢又道出亞視風水問題,坐喺停車場嘅李居明面對住亞視大樓話:「就亞視最近嘅事,罪不在亞視,罪在亞視搬入大埔,面對住呢座大樓,當年係東方報業起,起完就賣出去,冇人敢掂,呢座大樓係好難攪,呢幅地係清涼地,係寺廟風水,係骨灰龕,骨灰龕起亞視,我問你點做,我第一集就會講呢啲。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載