蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年02月02日

【有冇抵觸?】李居明指點亞視基督徒葉家寶:風水令人生活開心舒暢

(攝影:陳慧安)
建立時間 (HKT): 0202 06:00

亞視困局,o依家要風水打救!李居明免費幫亞視做節目兼睇風水,睇下點打救到亞視,詳情就睇返本報相關報道。

面對李居明初步視察,今日見亞視大堂經已將接待處從左邊搬至右邊,而大堂中間樓梯亦以圍板遮蔽樓梯,本身係基督徒嘅葉家寶解釋今次引入風水學,目的係覺得風水命理係令人生活開心舒暢,正如大堂有移動後,感覺亦比以往舒服,佢話:「大師搵來徒弟幫手,亦有搵客戶來支持,唔只係精神上支持亞視,金錢上都有幫助。」

葉家寶指李居明上周五拜訪亞視作指點時,佢不在現場,但事實上真係下午就有筆大資金注入,講到一月份人工?佢話:「有幾方面考慮,農地同幾個賣家差不多達成協議,節目版權出售同亞生亞姐喺內地經營權,若果一切順利會有八位數字收入。」佢指蕭定一洽談節目版權仍在商議中,亞視希望對方價錢可以提高,另外有其他人想洽談亞視部份節目短期版權。至於解決亞視問題,葉家寶指最重要係白武士出現後成功入主,如經理人德勤所言,希望今個星期有消息再讓政府批核。

亞視已經向二萬二千元人工以下同事發放十二月薪金,對亞視忠心不移嘅劉鍚賢被問到出糧未,佢話已經收到十二月份人工,佢話:「我人工好低,高層就未出,希望師父發一發功幫到亞視,而師父睇完之後內部係有少少裝修移動。」講到女廁問題,佢指亞視好多地方,應該可以再起女廁。

講到白武士,劉鍚賢話:「希望白武士出現,有指白武士係中國十大首富,希望佢啲馬力再快啲,亞視六百名員工等待中。」佢指好多同事收到十二月人工支票後,都上載支票相上網分享終於有糧出。到3點45分,葉家寶坐7人車離開亞視。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載