蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年02月10日

【短片】【嫲嫲幫我改】李詩韻忽然改名叫「李施嬅」:覺得適合我嗎?

(instagram圖片)(蘋果日報)
建立時間 (HKT): 0210 06:00

圈中唔少藝人通常係為咗改運先改名,不過出道差唔多12年嘅港姐李詩韻噚晚10點幾,忽然喺微博及instagram宣佈改名做「李施嬅」,入行一直叫開「李詩韻」,做乜失驚無神改名呢!原來係出自一片孝心。

李詩韻噚晚喺社交網留言:「2015決定改名回「李施嬅」,這個名字是我最愛的嫲嫲幫我改的。但家人幫我改為李詩韻,因為聽起來,看起來,比較優雅美麗。不過嫲嫲到現在都是叫我做『施嬅』。嫲嫲離世了,很懷念這個名因為覺得比較親切。希望大家以後可以叫我李施嬅。你們覺得適合我嗎?謝謝大家支持。」

雖然自佢03年回港參選港姐獲「最上鏡小姐」及「才藝小姐」後,直至其後簽俾大台做合約藝人,大家都一直叫開李詩韻呢個名,不過網民都體諒佢嘅孝心,留言指「反正你鍾意就好啦,叫咩名都好」、「Ilovethisname!!!覺得施嬅好襯你。只要你喜歡便是最重要。加油」。

另外,亦有網民表示:「慣左叫詩韻」,又有網民寫道:「鍾意詩韻呢個名多d(啲),可能因為習慣咗啦,不過都支持同尊重你呢個決定。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載