› 選擇地區
三藩市
紐約
洛杉磯
其他美國地區
香港 台灣 北美
 
2015年02月10日

【改名轉運?】圈中人較迷信 羅霖改叫羅芊霖、阿嬌改叫鍾欣潼

(資料圖片)(蘋果日報)
建立時間 (HKT): 0210 06:00

噚晚李詩韻忽然宣佈改名叫「李施嬅」「(新聞連結: http://bit.ly/1KCk55J ),其實坊間一直有傳改名可以轉運、旺夫,又有指八字欠金、木、水、火、土其中一種,睇吓有咩旺你,就要加啲咩字,尤其以圈中人同有錢人較為迷信,所以「改名事件」屢見不鮮,改名都有好多原因。

張燊悅改名:楊張新悅
張燊悅上年宣佈改名做「楊張新悅」,加埋夫姓,指前名係藝名,依家呢個係真名,連身份證都會改名,據知係內地對個「燊」字陌生先改,唔係為復出、生小朋友先改名,唔知係唔係嫁咗個富豪老公,想有新開始,已成為三女之母嘅楊張新悅就連作風都大膽咗,早前更喺微博公開批評強國小孩瞓地,仲同內地網民開火(新聞連結: http://bit.ly/1Ccpht6 )。

羅霖改名:羅芊霖
「美魔女」羅霖日前忽然宣佈改名叫「羅芊霖」,聲稱改名係希望冇咁辛苦,認為「羅霖」呢個名比較男性化,加多個「芊」字就會女性化啲,不過,就唔係想要桃花。

鍾欣桐(阿嬌)改名:鍾欣潼
出道12年嘅鍾欣桐(阿嬌)噚日喺微博宣佈改名做鍾欣潼,出世到依家4度改名,出世叫鍾狄珊,2歲變鍾嘉勵,入行叫鍾欣桐,上年又改叫「鍾欣潼」話想有新改變同新開始,仲會改埋身份證。

陳淑蘭 改名:陳道然
「蘭子」陳淑蘭早年忽然改名叫「陳道然」,揚言改呢個名有助財運、令佢更富貴,以後唔需要搵有錢男友,不過上年有傳佢同富豪男友利承武秘婚,不過又有報道指,蘭子多次逼婚不成,係要扮「老闆娘」,趕絕男友,佢哋嘅感情事,真係天知地知,蘭子先知。

范范黑人孖仔陳璿飛、陳璿翔改名:陳睿飛、陳睿翔
范瑋琪同老公陳建州早前迎接孖仔出世,黑人公佈兩個仔仔命名,分別係陳璿飛(River)及陳璿翔(Ryan),但不到七小時便改變主意,指「璿」字讀音有好多,決定改「璿」為「睿」,怕仔仔成長中,要一直同別人解釋個名嘅發音,改叫陳睿飛及陳睿翔。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載