蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年02月23日

【短片】【Vegas開騷被噓】G.E.M.講國語被噓爆 觀眾嗌:你係香港人嚟㗎!

(facebook圖片)(蘋果日報)
建立時間 (HKT): 0223 06:00

有時難免「順得哥情失嫂意」,宇宙G.E.M.(鄧紫棋)一時話要上太空唱國語歌,表明愛國心,一時又話香港係自己嘅根,想討好晒所有fans睇嚟一啲唔易。

今日《蘋果》收到讀者報料,噚日宇宙G.E.M.喺拉斯維加斯開騷,被指走晒音,同埋係咁講國語,搞到被大部分人噓爆。

讀者又指有人嗌「你係香港人嚟㗎!」宇宙G.E.M.惟有半場講番廣東話,點知就到內地人不滿。

噚日宇宙G.E.M.喺facebook未有提及此事,只留言:「拉斯維加斯這邊現在凌晨四點,我還在興奮,睡不著。今晚美國首場的X.X.X.Live太夢幻了。……而今晚五千人的演唱會還是爆滿,而且大合唱大聲到我都忍不住流淚,而且最後全場都站起來一起跳,我真不知道怎麼形容心裡這種激動。大家今晚真的超級厲害!LoveyouVegas!」阿G.E.M.仲話做咗一場超級goodshow,喺慶功宴吃咗好多盤沙律,似乎講少咗被觀眾噓爆。

今日阿G.E.M.再喺facebook自我安慰,佢寫道:「面前的路不一定每天都是康莊大道,但只要堅持,我們還是能一直前進。踏實走每一步,過程無論多艱辛,始終會到達終點。一定不要放棄!而我是無論如何都不會放棄!」唔知大家想唔想同佢講句「加油」呢?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載