› 選擇地區
三藩市
紐約
洛杉磯
其他美國地區
香港 台灣 北美
 
2015年02月25日

【當校長遇上舞台王者】與城城勁歌熱舞阿倫High爆除外套

阿倫與城城勁歌熱舞,全場High爆﹗
建立時間 (HKT): 0225 06:00

「校長」譚詠麟(阿倫)嘅「銀河歲月四十載演唱會」,噚晚喺紅館舉行第12場,噚晚捧場嘉賓包括陳百祥(阿叻)﹑黃杏秀﹑王晶﹑邱淑貞夫婦﹑陳潔靈﹑倫永亮﹑黃佩霞﹑袁詠儀(靚靚)﹑徐小鳳等,於逗利是環節,眾好友當然不能倖免,校長仲當眾向王晶追利是,靚靚就好似粉絲咁,主動送利是換取握手。

而噚晚表演嘉賓係舞台王者郭富城,兩人合唱《愛情陷阱》,並勁歌熱舞一番,掀起全場高潮,之後城城再獨跳一首《狂野之城》,令全場high爆起身跳舞。

校長唱了第一句《愛情陷阱》時,城城喺台側出場,邊舞邊唱,更帶動校長跳得起勁,校長仲high到除外套,與城城不停扭來扭去,唱完一曲後,兩人相擁,城城就笑謂:「我細細個就聽校長唱歌啦。」校長說:「我童星時呀?」

校長又笑問城城點解揀呢首歌唱?城城就話:「喺我印象中,我入行時做dancer,校長你當年攞金曲時,我有份跳㗎!」校長亦想起:「85年嘛?所以話英雄莫問出處,跳舞都係一種才能,仲可以出人頭地,去到0依家嘅天王添,大家畀啲掌聲。」

城城立即答謝校長,又謂:「校長係我一生嘅學習對象。」之後校長又爆同城城另一個不為人知秘密,兩人都係晨曦B隊左右中鋒,城城表示:「係呀,我交波畀校長,校長就射門。」校長說:「你好犀利喎,左右腳都得。」城城謂:「0依家左腳廢咗啦,之前傷咗韌帶。」校長問:「右腳呢?」城城答:「右腳無問題,仲可以踢!」

校長又鬼馬地指住城城雙腿間笑問:「咁中間呢?」城城醒目地說:「肺?定心口啊?」接住城城獨唱《狂野之城》前說:「本來想唱一首校長金曲,但之前一直係內地拍戲,要做孫悟空。」說罷又扮成猴子的樣子,笑問觀眾:「似唔似啊?」


娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載