蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年03月10日

【短片】【《導火新聞線》首播】「人狗交」玩咁大?王宗堯楊淇雨中濕吻

王宗堯與楊淇喺雨中濕吻十秒。
建立時間 (HKT): 0310 06:00

男神王宗堯﹑梁小冰及楊淇嘅主演港視話題劇《導火新聞線》,王宗堯喺劇中飾演記者,性格不修邊幅而且好喱啡,滿臉鬚渣,又隊酒兼鍾意周圍瞓。今日播出首集,劇情緊湊節奏明快,梁小冰飾演嘅惡總編「皇阿瑪」Alma同博到盡記者方凝(周家怡)表現令人刮目相看,單單係開場一幕追車戲已經見到功力。至於「標題黨」呢個「人狗交」題目,其實劇情係講梁小冰用「人狗交」呢個「猛料」、取代咗周家怡成team人搏命搶番嚟嘅放炸彈案做A1,為兩人微妙關係留下伏線。

喺港視發放嘅精華片段中,宗堯盡展角色喱啡一面,甚至喺副老總梁小冰面前拉褲鏈,又喺公司瞓覺揭起衫露晒點。劇中佢同楊淇雨中濕吻十秒,宗堯大讚呢幕好好睇:「呢場戲係我哋喺雨中好浪漫嘅深情擁吻之後,延伸我哋愛情發展嗰一刻,成個鏡頭拍攝非常好睇,雖然拍攝時候非常之辛苦。」

據知宗堯同楊淇拍呢場戲,係堅濕吻演出,宗堯就話:「同小淇拍呢一段雨中濕吻嘅時候,嗰時佢啱啱矯正緊啲牙,戴住個小小透明牙箍,佢有少少擔心,但我覺得唔緊要,佢角色有呢個特質,可以keep住.......因為我個角色比較『哩啡』,睇勻成個劇本我係得呢場戲可以型仔,既然導演度咗落雨又要慢鏡嘅時候,我就喺呢場戲裏面叫到chok到盡。」

原來楊淇拍呢場戲時病到飛起,但宗堯抗體夠勁,竟然冇被傳染病倒,楊淇話:「我拍時咁啱病得好勁,病咗個幾禮拜,擔心傳染俾宗堯,但拍完之後佢冇事,龍精虎猛,好勁!」佢又話拍呢場濕吻戲時竟然覺得好笑:「有樣嘢好好笑,就係喺雨中接吻,矮啲嗰個通常係女仔,其實係會飲晒啲水,跟住我每拍一個take,都好似飲咗啲水喺個口度,cut咗之後我就要『舌累』番出嚟,咁我成日feelsorry,驚宗堯覺得其實我係咪唔好錫呢?但唔係,其實好好錫嘅,係嗰啖水令我唔敢飲落去,因為始終唔係乾淨水嘛。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載