蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年03月14日

【《導火》變先知劇】陸駿光暗角被打遭禁披露黑警不法事

(攝影:仇志德)
建立時間 (HKT): 0314 06:00

今日港視「先知劇」(或者叫「神劇」)《導火新聞線》喺東港城做宣傳,劇中人齊腳出席,士氣高昂,又同現場觀眾玩遊戲。眾人分成兩組,騎坐吹氣小馬鬥快向前按鐘仔搶答問題,由駱應鈞、陸駿光、李楓、郭鋒等人宣讀名人金句,叫人估邊個講,例如「貴姓陳生」、「愛我嘅男人要有勇氣」、「我唔可以空肚食早餐」、「香港唔可以冇亞視」等等,由周家怡同黃美棋兩位女將領軍,但美棋BB今日竟然著短裙仔上陣,仲墮馬,好彩冇走光。

喺劇中飾演坐冤獄嘅釋嘅陸駿光,下周劇情講佢俾黑警拉埋牆角打,難免令人聯想到「七警」同「暗角」事件,但陸駿光就表示呢段劇情同政治無關,只係話佢知道警方做不合法事,警方要佢收聲,陸不從,故被打。但講到令人聯想起「暗角」事件,更予人「先知劇」之感,陸駿光話:「係啦,太巧合喇!」

提到今次喺商場舉行宣傳,係有感於頭兩集唔太理想,陸駿光表示:「睇港視嘅層面都係後生一輩,佢哋都係鍾意睇點播,或星期六一次過睇,所以呢個收視唔可以作準。其實大家想睇多啲電視,只係需要多一個步驟,希望大家多啲支持。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載