蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年03月17日

【短片】【周家怡?周嘉儀?】《火舞》兔唇女苦熬17年 10A考獲法律高級文憑

建立時間 (HKT): 0317 06:00

入行17年,周家怡終於做女主角,大家都讚佢索、型、演技出色,皮膚白皙短髮清新硬朗把聲亦好好聽……等等等等,說老實的,觀眾對周家怡留下第一個印象,應該已經上溯至《火舞黃沙》兔唇女。

其實周家怡擁港大法律高級文憑,更以十個A佳績畢業。可是周家怡沒有認真想過當律師;考文憑,只為令父母安心、俾佢可以繼續喺戲行尋夢想,事關周爸爸覺得個女入行17年,係17年,都係二打六,故開始為其前途擔心。但周家怡有冇乜嘢plan呢?冇。《導火新聞線》中嘅方凝冷靜機智又有衝勁,現實中的周家怡卻是儍儍戇戇的只想可以一直演戲到永遠。

今日有周刊刊登了周家怡專訪,今次方凝變回受訪者,而熬了17個年頭嘅周家怡,卻擔心大家當錯咗佢係主播周嘉儀。周家怡謂,相信世上只有王維基,先至敢搵佢做女主角,但接拍《導火》時,周家怡竟然唔知自己係做女主角:「返到去見編審、傾新劇,我就喺度諗,間公司幾好喎,連二三線角色都係單對單傾。」知道自己係女主角喇,周家怡忽然淆底:「王生係有講過,佢哋人唔多,都想盡量推我一把,但係我都知自己唔夠卡士、孭唔起,人哋都唔知邊個周家怡,仲以為係報新聞嗰個……」

周家怡當年喺《火舞黃沙》演出確是令人刮目相看,亦令佢鼓起勇氣,主動向無綫提出想做「親生女」簽經理人約,換來的是對方一句:「其實應該暫時就冇(興趣)嘅……」周家怡憶述當時感覺就是:「早知就唔問啦!」不問白不問,外邊無人問津?(除王維基之外),周家怡答:「出邊從來冇人搵過我。」

說周家怡有一股戇勁,其實絕不是貶義,連佢本人都話,佢對現狀要求好低好低:「因為我開工開心吖嘛,我同啲人開工開心,就覺得賺咗0架喇。」還好,在無綫那段日子,年年爆騷,每月收入兩萬幾,生活還可以。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載