› 選擇地區
三藩市
紐約
洛杉磯
其他美國地區
香港 台灣 北美
 
2015年03月20日

【短片】【我最期待的畫面出現了】當達哥遇上蔡思貝…

(攝影:陳俊強)
建立時間 (HKT): 0320 06:00

如果你係女仔,你想似木村,定係想似網絡紅人達哥?如果你問蔡思貝,相信佢會用木無表情呢個表情話你知……佢唔想似達哥囉。

俾杜汶澤話佢似木村,又俾網民笑佢似達哥嘅蔡思貝,今日同佢分身——當然係指達哥啦,去到灣仔電腦城出席「超宇宙大格鬪」揭幕禮,達哥今日仲做埋mc,大批fans到場支持。陰功,蔡思貝一出場,班fans即大嗌「達哥」!尷尬到呢……
 
之後達哥更乘機抽水,話要影合照,當時蔡思貝都係keep住木無表情樣,但又有少少唔耐煩。問佢可覺兩人似樣?蔡思貝話:「我梗係覺得唔似啦。」達哥仲唔死心,話大會準備咗個道具for今日活動,一拎出嚟,原來係達哥同蔡思貝嘅合成照,激到蔡啤一聲,繼續keep住冇表情話:「髮型幾似吖!」達哥即謂:「我就覺得氣質同內涵似喇!」

蔡思貝受訪時就話唔覺得自己似達哥,又話:「可能大家都係面尖尖。」但一講到俾人話似木村呢,蔡思貝反應唔同晒:「細個嗰陣都有人話我似木村,可能大家都係大眼鼻高。」咁你覺得自己最似邊個?蔡思貝話:「冇特別諗,有個階段似關智斌,都有段時間似陳煒阿梅,我個樣都幾百變。」

又似呢個又似嗰個,驚唔驚變咗「大眾面」冇晒個人特色?蔡思貝話唔驚:「人人都有眼耳口鼻,特色係由內散發出嚟。(咁似達哥呢?)大家都開開心心咪得囉,今日仲影埋世紀合照,咁又開開心心過一日喇。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載