蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年03月23日

【形容《殺破狼2》】任達華:「吊」 古天樂:「拿」「星」

(攝影:陳順禎)
建立時間 (HKT): 0323 06:00

今日電影《殺破狼2》,就喺灣仔嘅香港影視娛樂博覽舉行記者會,一班man到爆嘅演員:古天樂、TonyJaa、吳京、任達華、BabyJohn、姜晧文、張晉、林家華都有喺現身。

喺台上司儀話可以用兩個「挑」字嚟形容,第一個「挑」係極限級嘅挑戰,第二個「挑」就係挑動觀眾嘅情緒。而古天樂都用咗兩個字形容電影,就係個「拿」字同個「星」字,想講粗口諧音喎,不過佢都有講到點解嘅,「拿」就係話導演拿捏後好好,而個「星」字就係話粒粒都係巨星,古仔仲話喺電影中,有半部戲都係戴住口罩同眼鏡做戲。

任達華就話要用個「吊」字嚟形容電影,因為佢成日都被吊起,又話導演冇時間觀念,搞到佢要被人吊十幾個鐘。BabyJohn就話要用個「鮮」字嚟形容,因為部戲好新鮮,第一次揸鎗拍戲,仲講笑話嚇到瀨屎。姜晧文就話有一日又拍跳樓又拍跳海,跳樓跳咗7次,跳海就跳咗8次。

TonyJaa第一次拍香港電影,好多葉偉信同黃柏高搵佢拍,好開心可以拍到呢部戲,仲話等咗拍好耐。吳京指上次《殺破狼》係十年前,十年後可以延續落去好感慨,佢話拍嘅時候,經過受傷、結婚、受傷,仲話差啲死,因為有一個動差0.3秒就會死。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載