› 選擇地區
三藩市
紐約
洛杉磯
其他美國地區
香港 台灣 北美
 
2015年03月26日

【短片】【搶JM有米闊少】姚子羚冧掂鄭子邦火速同居羊年好事近!

(資料圖片)
建立時間 (HKT): 0326 06:00

現年34歲姚子羚前年12月被《蘋果》影到佢同夜場老闆Patrick同車,不過二人嘅感情最終無疾而終(新聞連結: http://bit.ly/1E2oSNU ),以為姚子羚感情仍舊飄泊,點知今日有雜誌爆佢成功箍實物業過億嘅有米男友鄭子邦,據知男方家族有成過百部的士喺手,隨時有機會今年同男方搵拉埋天窗,做羊年新娘。

「的士闊少」鄭子邦上年先被《蘋果》影到佢同JaniceMan(文詠珊)親密捽面調情,男方更好冧咁望住JaniceMan(新聞連結: http://bit.ly/1xhMCLq ),點估到眨吓眼,佢就成為姚子羚嘅新歡,有傳姚子羚向男方施展猛烈攻勢,識得氹鄭子邦,最終打敗JaniceMan,上年9月姚子羚仲進駐男友紅山半島嘅屋企,二人同居半年,感情穩定,更有指男方早前向朋友透露想向姚子羚求婚,姚子羚睇嚟隨時快過胡杏兒,搶閘今年結婚。

據知,姚子羚上年年中曾被爆買外賣坐的士去男友鄭子邦嘅屋企,但事後姚子羚解釋佢哋只係好朋友,係一班人上去男方屋企睇波,不過年尾就火速同居,男方亦成日陪女友姚子羚出席友人嘅聚會,有指鄭子邦同丁子高好老友,不時約埋一齊去跑步,更一齊夾錢開齋舖,該報道更指,鄭子邦早前約女友姚子羚睇丁太千嬅齣《五個小孩的校長》嘅首映,姚子羚為咗唔想戀情曝光,先刻意同男友鄭子邦分開入場,完場就玩前後腳去停車場等埋對方,先一齊返男方屋企。

報道更引來知情者講,友人間一早知鄭子邦有意同姚子羚結婚,覺得同女方雖然唔係拍咗拖好耐,不過鄭子邦好錫女友,成日讚姚子羚善解人意,鄭子邦亦知道姚子羚恨結婚,所以有問過朋友點同老婆求婚,唔知係唔係順便向朋友取經。

早前更被報道影到鄭子邦同姚子羚一齊喺男方屋企附近現身,當時佢哋一齊去鴨脷洲買麵包,起初佢哋都係行一前一後充滿戒心,跟手又去咗「救狗之家」似乎想領養狗仔,返男方屋企前,姚子羚見人放狗都忍唔住出手撩牠玩,未知係唔係姚子羚想領養一隻愛犬陪吓佢哋,之後該報道曾向姚子羚求證戀情係唔係真,姚子羚就話嗰日係去做義工,冇答同男方係唔係情侶關係。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載