蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年03月27日

【短片】【陳凱琳裸背】謝安琪TVB新劇《殭》集百家之大抄 你數到幾多個?

網民話:「大台開始亞視化。」咁會唔會有一日冇糧出?
建立時間 (HKT): 0327 06:00

早前大台就開拍咗一套科幻劇集《殭》,一睇個名就知係講殭屍啦,而喺日前,呢套《殭》嘅片花就出咗街,不過網民睇完之後,都話呢套劇係集百家之大抄!

首先係一開始,鄭嘉穎就話自己係開一間深宵食堂,網民就話抄《深夜食堂》都唔好抄咁足吖,改一個字就算,之後謝安琪就露出事業線咁飛出嚟,打爆晒啲嘢咁,但係啲特技就唔係咁好囉,完全唔似大製作。

而喺畫面似曾相識方面,就有四個係最顯眼:

1.雨中打鬥,同《廿二世紀殺人網絡》第三集最終決戰一模一樣。

2.殭屍斷手著火,同《幽靈刺客》中嘅殭屍死方係一模一樣(當然《幽靈刺客》做得靚啲)

3.陳凱琳嘅祼背同瞓喺玫瑰花上,真係慌死觀眾唔知抄《美麗有罪》咩?

4.成套劇都有《我和殭屍有個約會》嘅影子,其實都唔怪得,因為套劇其中一個編審葉天成,係做過《我和殭屍有個約會》嘅編審,唔似就有鬼喇。

另外有網民就對角色嘅名都大有批評,好似鄭嘉穎飾演嘅不死人叫刑活著,其實有冇必要講咁露骨呢?而黃又南同陳嘉寶兩兄妹就叫何年、何月,真係有少少創意得唔得?有網民仲話大台依家越嚟越亞視化。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載