蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年03月27日

【短片】【維基爆內幕?】余文樂夥柏豪創飲品「豪乳樂」?

(資料圖片)
建立時間 (HKT): 0327 06:00

雖然余文樂近期保持低調,未知係唔係得罪咗網民,忽然被人喺維基惡搞佢,先話佢中學年代,「受香港街場籃球傳奇天勾老伯及灣仔印度艾佛遜教導」,當時只有17歲嘅佢破例以亞洲球員參加咗1999年的NBA新秀選拔,似乎講到真係有啲誇,又寫余文樂被喻為「東方來的超新星」,網民又寫余文樂因為「無法投身NBA」,佢先「心灰以冷」,返嚟香港投入演藝界,據知,余文樂未入娛圈之前係做模特兒,因主演香港電台青春劇《青春@Y2K》先開始入行。

網民又喺維基寫「2007年,在香港發展的大紅大紫的余文樂遇上另一位同時熱愛籃球的歌手周柏豪。兩人惺惺相識,更重燃對籃球的熱愛。隨後於Facebook留下一句,著名漫畫灌籃高手的名句:文豪!我想打籃球!便宣布暫時退出娛樂圈再次到美國實現籃球夢」,見網民用《灌籃高手》,而唔係寫《男兒當入樽》相信疑內地或台灣網民所為。

網民又寫喺「2008年3月在對多倫多猛龍(註:多倫多速龍)賽事中,差一點追平隊友高比的單場得分紀錄,以高達七成命中率,投中80分」,呢一點真係令人難以至信,面對職業球手有咩可能,投到80分呀?

余文樂更被網民封係「香港籃球第一人」,「簽約於橫州工業,致力發展本地籃球」又指今年「余文樂與周柏豪將創立運動飲品品牌豪乳樂,兩人樂道正所謂豪情奔放,水乳交融,樂在其中」,網民又寫余文樂嘅軼聞係「2007年,皇帝勒邦占士帶領騎士隊進身總決定但慘遭馬刺無情橫掃。至今仍被傳的一幕是大前鋒鄧肯賽後在殘廁找到占士,雙手抱著占士並鼓勵:『未來是你的。』但占士搖搖頭輕聲說道「若文樂在,不使孤得冠矣!」

呢位網民咁花心思為余文樂寫軼事,唔知係佢嘅fans,定係余文樂得罪咗人呢?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載