蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年04月02日

【短片】【送養母入老人院】李蕙敏否認不孝:佢有腦退化症

(資料圖片)
建立時間 (HKT): 0402 06:00

今日有雜誌話李蕙敏(Amanda)前年嫁比家族經營珠寶生意嘅英籍老公後,連88歲養母鄧惠珍都唔理,將養母送咗入老人院,而且不聞不問,仲話每月萬幾蚊老人院住宿費都係鄧婆婆自己畀,暗示Amanda不孝。

今日Amanda接受本報訪問,佢就好勞氣:「兩三個星期前,院舍話有一男一女去探媽媽(養母),仲買咗大罐曲奇餅,我已經覺得怪,因為所有親友都知道媽媽有糖尿病,冇人會買曲奇餅去,其實咁樣好危險,佢仲要成罐食晒,咁樣好危險,有乜事邊個負責?」

Amanda又話:「我入行咁耐,當然知道雜誌要題目吸引,劇情要戲劇化,但唔好搵老人家嚟搞好冇?」Amanda話佢養母其實有腦退化症,糖尿病指數相當高,又有血壓高,之前仲通過波仔,本來唔想講老人家嘅嘢,但係雜誌出咗,覺得有必要講番件事:「安排媽媽入老人院係醫生建議,因為佢每日要準時食藥、打針,成日會暈,所以住喺院舍係最好。」講到養母嘅病情,Amanda嘆氣話:「試過日夜分唔到,夜晚走出街話要去飲茶,有時就連我同成日探佢嘅親戚都認唔到,問我哋係邊個。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載