蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年04月04日

【短片】【素顏的威力】寓所凌晨遭「爆格」 夏蕙姨憑素顏嚇走賊人

(攝影:仇志德)
建立時間 (HKT): 0404 06:00

黃夏蕙今日同龍心喺旺角行人專用區現身,為前AD2成員艾美琦拍MV,夏蕙姨自爆今日凌晨遇到一件好得人驚嘅事,就係屋企被「爆格」。

是咁的,今日凌晨夏蕙姨屋企就俾人「爆格」,而最奇怪嘅地方就係,夏蕙姨被「爆格」嘅時候,佢同個賊係處於同一個空間。

不過因為夏蕙姨年紀大,身體有啲攰,所以就喺梳化睇電視睇到瞓着咗,不過夏蕙姨就冇講係睇亞視定大台,而個賊就好食咗豹子膽咁,都仲要繼續偷嘢,但係偷嘢總會發出聲音,夏蕙姨就好戲劇性咁醒咗,本來個賊都唔知,但係夏蕙姨始於都係一個女人仔,所以佢都忍唔住叫咗出聲,呢一叫除咗係夏蕙姨嚇親外,仲嚇親個賊,夏蕙姨話個賊望一望佢,就嚇到走咗,夏蕙姨表示可能係個賊,見到佢冇化妝個樣,所以先嚇走,事後夏蕙姨就去報警。

另外,夏蕙姨早前接受dbc電台訪問時透露有意參加明年立法會選舉,今日佢就話:「我無黨無派,只知道可以對社會有益就去做,從來不識黨派,都唔會歸邊,我就係我,黃夏蕙就係我。」

而一向都好多嘢講嘅龍心,今日就一反常態,好靜...

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載