蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年04月06日

【短片】【真名上高登冇人信】《導火》編審潘漫紅親上高登答謝巴絲

建立時間 (HKT): 0406 06:00

港視預言劇《導火新聞線》劇情轉入直路,一直以嚟都好評如潮,尤其喺高登啦,一眾高登巴絲勁開po討論,喺星期六日本來劇集po冇咩人推,不過因為港視搞咗個巴士宣傳活動,令到星期六日呢個po都好熱鬧,o依家已經推到第16個po。

高登就一向臥虎藏龍,甚至之前王維基用真名上高登都冇人信,係自爆之後成班巴打絲打先知道原來真係會有藝/名人真名上高登,近日《導火新聞線》嘅討論po,就有位叫「導火」嘅網民好間唔中留下言,佢仲俾巴打寸過用個咁嘅名,點知原來「導火」正正係《導火新聞線》嘅編審潘漫紅,佢噚晚都難抵熱情嘅高登巴絲,半夜附上一條《導火新聞線》makingof自爆道:

「各位高登巴絲好,正式自我介紹,我是導火劇組的潘漫紅:D:D

導火播出以來,每天都會上來睇comments,一直好想正式向各位講聲多謝。我也大膽代表劇組仝人衷心感謝你地對導火的熱愛。

上面這條片,是在導火拍攝煞科後製作的,為的是向台前幕後每位工作人員致謝,在踏進結局週的這刻,也想讓各位巴絲打認識一下他們,因為導火是個棒極了的團隊。

片中出場次序分別是造型組、攝影燈光收音組、編劇組、演員組以及導演組。

再一次,謝謝各位愛導火,你們每一句意見,我們都認真看了並不斷反思日後如何改進,我們一定會繼續努力。」

潘漫紅嘅留言一出,一眾巴絲都好震驚,原來佢哋開足咁多po,潘漫紅就mon足咁多頁,搞到佢哋有時討論啲無聊嘢都覺得唔多好意思。一眾巴打話想維基喺商場或戲院搞結局大直播,不過潘漫紅話佢哋都已經唔係港視員工,呢個願望就應該難啲實現啦。不過潘漫紅送咗呢條片俾大家,可以慢慢睇:

http://youtu.be/6v-5O8D2jHc

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載