蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年04月07日

【短片】【網民FF成真】《導火》方凝BB初試性感真係同阿咩sheshe

建立時間 (HKT): 0407 06:00

港視劇《導火新聞線》近日喺討論區嘅po推得勁快,除咗因為劇情緊湊,仲有一個好重要嘅因素,就係----「sheshe」,即係咩?其實可以解做女同性戀,但又同廣義嘅「女同性戀」唔同。

簡單嚟講,雨傘革命令好多年青人幻想學聯嘅岑敖暉同周永康係「hehe」,但兩人其實都冇直接認過自己係同性戀者,但兩人外形合襯又經常共渡患難解決難題,呢種超越一般情侶嘅情誼(通常是同一性別),令網民十分響往,而《導火》入面,都分裂咗兩條「sheshe」線,一條係方凝(周家怡飾)同皇阿媽(梁小冰飾),稱為「凝ma派」,一條係方凝同阿咩(楊淇飾),稱為「凝咩派」。就算劇情冇講明,網民已經FF到真嘅一樣,所以今日一集《導火》周家怡初試性感,同王子(姜文杰飾)有剝衫戲,都冇周家怡同楊淇表白「我鍾意咗你」咁震撼。

對於方凝「中途轉基」,周家怡話:「嗰場激烈床戲都拍咗好耐,因為除咗床戲外,前面仲有少少方凝嘅內心戲,方凝本身唔係鍾意女人,但佢又鍾意咗阿咩,所以佢都好亂,基本上佢自己都接受唔到,呢個係佢嘅最大心理關口,亦有好多情感喺裏面,拍起嚟要表達都有啲難度。同Benji(姜文杰)嘅床戲,大家睇到就會知方凝喺嗰個moment好亂,佢係要findout答案,呢場戲亦係我入行以來最性感嘅一次。」

網民對「sheshe」反應甚大,家怡亦覺震撼,「震撼架,呢樣嘢係由頭到尾都唔想穿,想等觀眾估係與唔係,有啲曖昧咁,應該唔係啩?係有啲隱瞞,特登唔講嘅。」

會否有「sheshe」親熱戲?楊淇話:「阿咩同方凝一齊住咗咁耐,喺屋企有好多close嘅又一齊瞓、煮飯,佢又湊住我,又會幫我、關心我,親熱就唔會啦,係講阿咩好愕然,因為阿咩唔知師姐鍾意佢,後尾大家仲有少少面左左。我都睇到網民好擔心sheshe,又唔使太擔心,唔會變lesbian嘅。其實方凝係一個好需要愛嘅女仔,佢好難俾人介入生活,而阿咩係一個咁主動咁活潑嘅人,所以融化咗方凝。其實都係講人與人之間係需要關心,並唔關男同女事。」

而同阿咩糾纏嘅輝爺(王宗堯)亦話:「呢段『sheshe』真係好爆,但一開始真係估唔到,呢四個人本來好friend,會唔會因為咁樣嘅感情瓜葛關係變到四個都冇friend做呢?」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載