› 選擇地區
三藩市
紐約
洛杉磯
其他美國地區
香港 台灣 北美
 
2015年04月12日

【短片】唔畀放狗又唔畀踩單車 任賢齊:香港人喺公園可以做乜

(攝影:陳順禎)
建立時間 (HKT): 0412 06:00

今朝一早,任賢齊同謝安琪(Kay)以以大使身份去到青衣參與單車百萬行活動,小齊仲身體力行,落場踩單車支持,Kay就因為開通宵工為免體力不支影響其他參與人仕而只係打氣。

小齊表示活動能順利舉行係天公造美,起初仲擔任會受天雨影響,自己亦為單車換上較闊身呔以防路滑,佢話:「舊年路程比較短,加上好多人停底影相,推單車時間比較多,而今年加埋南灣隧道,路程長咗令車與車之間距離拉長,應該會踩得好啲,加上又唔係比賽,大家可以踩下睇風景。」身邊嘅Kay就話:「我啱啱開完通宵工,冇休息,轉頭返屋企沖個涼又要再出去開工。」

小齊本身有考慮帶埋仔女一齊參與,不過因為天雨路滑就放棄念頭,問到平時有冇同小朋友去踩單車?小齊話:「比較少,香港啲公園唔畀放狗又唔畀踩單車,咁香港人喺公園可以做乜,只係睇花。」

小齊眼見今屆多了單車愛好者參與,佢覺得多啲運動係有助生活減壓,佢話:「香港好多路都唔踩得單車,有時我踩單車,去到某啲路就因為唔畀踩而要抬單車行,可能香港好多路段都規劃好,不如喺公園開設單車徑,台灣好多地方都可以踩單車。」小齊更建議效法台灣點對點單車服務,例如中環車多地方,增設呢種服務,鼓勵大家踩單車返工,Kay即指歌手出騷前都可以有呢項服務,以踩單車去會場當熱身。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載